ل ئاكرێ و بارزان دو كەس د زێیێ مەزن دا خەندقین
رەمەزان زەكەریا:
ل رووبارێ زێیێ مەزن زارۆیەكێ 12 سالی خەندقی و تیمێن بەرگریا شارستانی ل ئاكرێ تەرمێ وی ژ ئاڤێ ئینا دەر.
رێڤەبەریا بەرگریا شارستانی ل ئاكرێ راگەهاند: زارۆیەك ب ناڤێ ئالان عەدنان كەرەم یێ 12 سالی ئاكنجیێ گەرەكا شۆڕەش ل ئاكرێ د رووبارێ زێیێ مەزن دا خەندقی، پشتی روودانێ تیمێن نقوومڤانێن بنگەهێ قەندیل گەهشتینە جهێ روودانێ و تەرمێ زارۆكی ژ ئاڤێ ئینایە دەر، پاشی تەرم هاتیە رەوانەكرن بۆ نۆشداریا داد.
دیسا ل دەڤەرا بارزان، وەلاتیەك ب ناڤێ رێكان عەبدولا ئاكنجیێ گەرەكا كۆران ل هەولێرێ د ژیێ 29 سالیێ دایە و خێزاندارە و سێ زارۆك هەنە و كارمەندێ كۆمپانیەكێ یە ل گەل هەڤالێن خوە هاتیە دەڤەرێ و كەفتیە د رووباری دا و خەندقیە و تەرمێ وی هاتیە دیتن.
