وەك هەردەم دێ پشتەڤان و پارێزەرێن مافێن ئێزدییان بین
نێچیرڤان بارزانی، سەرۆكێ هەرێما كوردستانێ ب هەلكەفتا جەژنا چلێ هاڤینێ، پەیامەكا پیرۆزباهی ئاراستەی ئێزدیێن كوردستانێ و ئیراقێ و ل هەر جهەكێ ل جیهانێ كر و هیڤییا جەژنا ئارام بۆ خواست.
دەقێ پەیاما سەرۆكێ هەرێما كوردستانێ
جەژنا چلێ هاڤینێ ب گەرمی و ژدل ل هەموو هەڤوەلاتی یێن مە یێن ئێزدی ل كوردستانێ و ئیراقێ و ل هەر دەرا جیهانێ بن پیرۆز دكەم، هیڤیا جەژنەكا ئارام و تەنا بۆ وان هەمووا دخوازم.
دیسا هەموو خوشك و برایێن خۆ یێن ئێزدی پشتڕاست دكەم كو وەك هەردەم دێ پشتەڤان و پارێزەرێن مافێن وان بین و كوردستان دێ هەر مینیت وەلاتێ پێكڤەژیانێ بۆ هەموو پێكهاتێن خۆ.جەژنا هەمووا پیرۆز بیت، هەر سال ب خێر و خۆشی.