وەکو سەرۆک کۆمار پێشوازی ل ئەردۆگانی نەھاتە کرن
ئەڤرۆ:
ل گۆر راپۆرتەکا مالپەرێ خەبەر تورک سەرۆک کۆمارێ تورکیا رەجەب تەیب ئەردۆگان دوھی گەھشتە تەھرانێ و ل گەل سەرۆک کۆمار و سەرۆکێ ئایینی یێ ئیرانێ ھەڤدیتنێن گرنگ ئەنجام دان، لێ تشتا کو بۆ جھێ نەرازیبوونا تورکیا ل فرۆکەخانا تەھرانێ وەزیرێ راگەھاندنێ یێ ئیرانێ پێشەوازی ل ئەردۆگانی کر و راگەھاندنێن تورکیا ژی دیار دکەن کو ئەو یەک نیشا ددەت ئیران ژ ھەلویستێ بەری چەند رۆژان یێ ئەردۆگانی توورە بوویە و ژ بەر ھندێ ژی وەک سەرۆک کۆمار پێشەوازی ل ئەردۆگانی نەھاتە کرن.
چاڤدێرێن سیاسی ژی دیار دکەن کو پەرلەمانێ ئیرانێ گڤاشتنەکا مەزن ل سەرۆک کۆمار حەسەن رۆحانی دکر کو ھاتنا ئەردۆگانی بۆ ئیرانێ بدەنە راگرتن، چونکو ھەفتیا بۆری سەرۆک کۆمارێ تورکیا دیار کربوو کو ئیران ئەگەرێ سەرەکی یێ ئالۆزیێن ل رۆژھەلاتا ناڤینە و دڤێت سنۆرەک بۆ زێدەگاڤیێن ئیرانێ بھێتە دان و ژ بەر وێ یەکێ ژی پەرلەمان و پرانیا ئالیێن سیاسی ل ئیرانێ دژبەریا خوە ل ھەمبەر ئەردۆگانی دیار کربوون و داخواز ژ سەرۆک کۆمار کربوون کو ھاتنا ئەردۆگانی بۆ ئیرانی بھێتە راوەستاندن.
راگەھاندنێن ئیرانێ ژی دیار کرن کو پێدڤیە ئەردۆگان ل تەھرانێ ب رەنگەکێ فەرمی داخوازا لێبۆرینێ ژ خەلکێ ئیرانێ بکەت.
