مەسرور بارزانی: پێدڤیە بەغدا قەرەبوویا كەسوكارێن شەهیدان بكەت
د 39 سالڤەگەڕا تاوانا كیمیابارانكرنا بالیسان، شێخ وەسانان و دۆلا خۆشناوەتی دا، سەرۆكێ حوكمەتا هەرێما كوردستانێ مەسرور بارزانی پەیامەك بەلاڤكر و راگەهاند، پێدڤییە حوكمەتا فیدرال ب شێوەیەكێ هەژی قەرەبوویا كەسوكارێن سەربلندێن شەهیدان و ئەنفالكرییان بكەت.
سەرۆكێ حوكمەتا هەرێما كوردستانێ د پەیاما خوە دا ئاماژە ب وێ چەندێ كر كو ب رێز و شكۆڤە بیرئینانا شەهیدان دكەن و رێزەكا مەزن ل خەبات و قوربانیدانا خەلكێ خەباتكەرێ وێ دەڤەرێ دگرن. هەروەسا دوپات كر كو ئەركێ حوكمەتا فیدرالە قەرەبوویا مادی و مەعنەوی یا كەسۆكارێن قوربانییان بكەت.
