ئوسترالیا ڕێك ل ڕاهێنەرێ ئیراقێ گرت
ب فەرمی حوكمەتا ئوسترالیا بڕیار دا گێرهام ئارنۆلد ڕاهێنەرێ هەلبژارتیێ ئیراقێ گەشتێ نەكەت بۆ بەغدا پایتەختێ ئیراقێ، ژبەر كاودانێن نە ئارام ل دەڤەرێ، ئەڤچەندە بوو ئەگەر بەرنامەیێ ڕاهێنانێن ئیراقێ بۆ مۆندیالێ بهێتە تێكدان.
ل دووڤ ڕاپۆرتا هاتیە بەلاڤكرن كو حوكمەتا ئوسترالیا بەرهەڤ نینە ڤیزێ بدەتە هیچ هەولاتیەكێ خوە گەشتێ بۆ رۆژهەلاتا ناڤین و ئیراقێ بكەت ژبەر كاودانێن نە ئارام و شەرێ ئەمریكا، ئیسرئیل دژی ئیرانێ، بوویە ئەگەر كو ڕاهێنەرێ هەلبژارتیێ ئیراقێ یێ ئوسترالی گێرهام ئارنۆلد بێ بەهربیت ژ گەشتا ئیراقێ ئەوێ بڕیاربوو ل دەستپێكا ڤێ حەفتیێ هاتبا ئیراقێ ژبۆ دانانا كەمپێ ڕاهێنانێ خوە بەرهەڤكرن بۆ مۆندیالا جیهانی، دبیت حوكمەتا ئیراقێ بشێوەیەكێ فەرمی داخوازا ڤیزەیا تایبەت بكەت.
