یوونس سلێمان: پشكداری د دو قارەمانییان دا ب سانەهی نابیت و مە پلان داناینە
رەمەزان زەكەریا
د داخۆیانیەكێ دا ڕاهێنەرێ تیما فوتبۆلا یانەیا ئاكرێ دیاركر ئێك رێزییا هەموو یاریزانا دگەل دەستەیا ڕاهێنەران و دلسۆزیا كارگێریا یانەیێ مە پێكڤە دەستكەفت بۆ پشتەڤانان كربوو دیاری، ب دەستڤەئینانا ناسناڤی بۆ هەر وەرزشڤانەكێ دلخۆشیەكا تایبەتە و پشتەڤانیا یاریزانی دیاریگەهێ دا گرنكە ژبەر ڤێ ئێكێ گەهشتینە ڤێ قووناغێ.
زێدەتر یونس سلێمان گۆت: پشكداریكرییا مە د دو خولێن جودا ب سانەهی نینە تایبەت بۆ یاریزانان لێ مە پلان داناینە بۆ چاوانییا بڕێڤەبرنا ڕاهێنانێ و بۆ هەر یارییەكێ و بەرهەڤ بین بۆ خولا نایابا كوردستانێ و پلا دویێ یا ئیراقێ،پێنەڤێت دێ كاروانەكێ درێژ مە هەبیت و هەتا نوكە تیما مە یا ڕێكخستی، یاریێن دەستپێكا هەر خولەكێ چ ڕاهێنەر یان یاریزان لایەنێ دەروونی د باش نینە بەلێ دێ هەموو لایان ڤە هاریكاربین هەتا دەروونێ یاریزانان باش بیت و ئارام ببن.
هەروەسان ناڤهاتی گۆت: چ وەسفەك بۆ دەستەیا كارگێری و پشتەڤانان ناهێتە كرن ژبەركو ئەون یاریزانێن هژمارە 12 ل هەموو یاریان دا چ یاری ل سەریاریگەها یانەیێ ب خۆ بیت یان دەرڤەی یاریگەهێ، هەتا نوكە ژلایێ ئابووری ڤە چو كێماسی نەبوویە و پشتراستم نابینیت ژی و ئابووری نەبیتە ئاستەنگ هەمبەر پێشڤەچوونا یانەیێ.
لدووماهیێ ڕاهێنەرێ ئاكرێ گۆت: پەیاما من بۆ پشتەڤانێن دلسۆزێن یانەیێ خۆ ب خودانێن یانەیێ بزانن، وەكۆ سالێن بووری ب گەرمی پشتەڤانیا یانەیێ بكەن ژبەركو هەر سەركەفتنەكا بهێتە تۆماركرن راستەوخۆ پێشكێشی پشتەڤانێن دلسۆزێن یانەیێ دكەین.
