عومەر زەكی: سێمێل ژ هەژی دەربازبوونێ بوو و وەرزێ نوو دێ هەڤڕك بین
هەرهین محەمەد:
د دیدارەكێ دا عومەر زەكی یاریزانێ تیما فوتبۆلا یانەیا سێمێلێ كەیفخوەشیا خوە دیاركر ب دەربازبوونا تیما وان ژ خولا پلا ئێك بۆ نایابا كوردستانێ ئەڤچەندە ژی پشتی 14 سالێن دوور كەڤتنێ و ڤەگەڕیانا تیمێ بۆ نایاب ب هەڤڕك بیت دانایە.
زێدەتر ناڤهاتی بۆ رۆژنامەیا ئەڤرۆ گۆت: د وەرزێ ئەڤ سالە دا هەر دەستپێكێ كارگێرییا یانەیێ ب پلانێن سەركەڤتی و بەرنامەیێن چاوانییا بدەستڤە ئینانا سێ خالان دانابوو، هەرچەندە ل دەستپێكا خولێ تیما مە كەفتە د رەوشەكا خراب دا و ل نیڤا وەرزی راهێنەر هاتە گوهۆڕین، لێ پشتی هاتنا كاپتن محەمەد یوسف ئێكسەر زاخ و مۆرالا یاریزانان باشتر لێهات، ژبەركو ڕاهێنەرەكێ خودان شیان و سەربۆرە و زانی چاوا سەرەدەریێ دگەل خولێ بكەت و یا پێدڤی بۆ تیمێ بكەت، ژبیر نەكەین ئەو پشتەڤانییا كارگێریێ ل یاریزانان و كادرێ ڕاهێنانێ ئێك ژ خالێن دی یێن سەركەڤتنێ بوو.
ل دووماهیێ ئۆمێد زەكی گەشبیینا خوە دیاركر بۆ وەرزێ نوو تیما سێمێل نە بتنێ پشكدار بیت بەلكو دێ هەڤڕك بیت بۆ رێزێن پێشیێ و گۆت: یانەیا سێمێل ژ هەژی ڤێ دەربازبوونێ بوو و ب هیڤی نە وەرزێ بهێت شەڕی بۆ ناسناڤی ژی بكەین.
