سـهربازیا نهچـاری جوداهـیا دناڤـبهرا تهخێن جڤاكـی دا ناهێلیت
ههولێر، قائید میرۆ:
جڤاكناسهكی د دیدارەکێ دا بۆ ڕۆژنامەیا ئەڤرۆ دیار کر کو ئهگهر قانوونا سهربازیا نهچاری بهێته رێڤهبرن چهندین خالێن بهێز تێدا هەنه و گۆت؛ ئێك ژ مفایێن سهربازیا نهچاری نههێلانا جوداهیا دناڤبهرا تهخێن جڤاكییه.
جڤاکناس سهردار لهتیف دیار كر، پرۆسا سهربازیا نهچاری تنێ پرۆسهیهكا سهربازی نینه، بهلكو پرۆسهیا دوباره بنیاتنانا پهیوهندیێن جڤاكیه، چونكه سهربازیا نهچاری لایهنێن ئهرێنی تێدا ههنه ئهگهر ب درستی بهێته رێڤهبرن و گۆت؛ ژ وان ژی، بنیاتنانا کەسایەتییەکا بهێز و درستکرنا رێکوپێکی و پابەندیێ د رەفتارێن تاکی دا.
سەردار گۆتژی؛ د كهلتوورێ مهدا پرۆسەیا سهربازی وهكی قوتابخانهیهكێ یە ژبۆ ئاڤاكرن و پێگههاندنا كهسایهتیا مرۆڤی، ژلایێ جڤاكناسیێ ڤه سهربازێ گهنج ژ ژینگهههكا نهرم و بێ بهرپرسیاریهتی دهێته ڤهگوهاستن بۆ ژینگهههكا تژی ڕێکوپێکی و پابەندی و ئهڤه دبیته ئهگهرێ بهێزكرنا ئیراده و باوهری بخۆبۆنێ.
جڤاکناسی د بەردەوامیا ئاخفتنێن خۆدا دیار کر کو ژلایێ دادپهروهریا جڤاكی تێكهلیا چینایهتی پهیدا دبیت ئهڤهژی خالا ههرە بهێزه دناڤا سهربازیا نهچاری گۆت؛ چونكه دناڤا سوپای دا جوداهی دناڤبهرا كوڕێ ههژارهكی و دهولهمهندی نامینیت و ههموو دێ ئێك جلك بكارئینن و ئێك ئهرك ههیه، ئهڤهژی جوداهیا دناڤبهرا تهخێن جڤاكی ناهێلیت.
سەردار لەتیف زێدەتر گۆت؛ عێراق دهولهتهكه ژ چهندین نهتهوه و ئایین و مهزههبێن جودا پیك هاتیه پرۆسەیا سهربازیا نهچاری دێ بیته ئهگهرێ كێم كرنا جوداهیا دناڤبهرا پێكهاتهیێن عێراقێ و ناسنامهیا نیشتیمانی دێ ژ ههموو تشتهكی بلندتر بیت، ههروهسا بشێوهیهكێ دهمكی دێ بێكاریێ كێم كهت و كهسێن دچنه ناڤا سهربازیا نهچاری دێ ژلایێ حوكمهتێ ڤه مووچه بۆ بهێته مهزاختن.
جڤاکناس سەردار دا زانین کو خالێن نهرێنی یێن سهربازیا نهچاری زۆرن ژ وان ژی دێ بیته ئهگهرێ ڤهقهتیانا گهنجان ژ بازاڕێ كاری و پرۆسا خواندنێ، ئهڤهژی دێ بیته ئهگهرێ داكهفتنا گهشهیا ئابوریا تاكهكهسی و گۆت؛ ههروهسا مهزاختنا بودجهیهكێ زۆر بۆ پرۆسەیا سهربازیا نهچاری دێ كاریگهری لسهر كێمبونا خزمهتگوزاریان ههبیت.
سەردار گۆتژی؛ ب دیتنا من ئهگهر قانوونا سهربازیا نهچاری بشێوهیهكێ سهردهمیانه و دویر ژ گهندهلیێ بهێته ئهنجامدان، دێ بیته ئهگهرێ پهیداكرنا نفشهكی کو زێدهتر ههست ب بهرپرسیاریهتێ بكهت، گرنگترین دهستكهفت ژی وهك ههڤیه د ئهركی دا و ئیدی نابێژن پاراستنا وهلاتی ئهركێ خهلكێ ههژاره، بهرۆڤاژی ههموو خهلك بێ جوداهی دێ پشكدار بیت د پاراستنا وهلاتی دا.
لدور كڕینا خزمهتا سهربازی سهردار لهتیف دیار کر، ئهگهر قانوونا سهربازیا نهچاری كهفته د بیاڤێ جێبهجێكرنێ دا و كڕینا خزمهتا سهربازی ژی تێدا بیت ئەڤە خالەکا لاوازە؛ چونکو نیشتیمانپەروەریێ دکەتە کالا و رێ ددەت دەولەمەند ب پارە ژ ئەرکێ نیشتیمانی بڕەڤن و گۆت؛ ئەڤ چەندە لێدانە ل پرەنسیپێ یەکسانیێ و دبیتە ئەگەر کو ئەرکێ سەربازی تنێ بکەڤیتە سەر ملێن هەژاران، ب ڤێ یەکێ ژی بهایێ خوین و خزمەتا هەژاران دهێتە ئەرزانکرن.
