چار لیوایێن هەسەدەیێ بووینە پشکـەک ژ لـەشکرێ سـووریێ
سیپان حەمۆ جێگرێ وەزیرێ بەرگریێ یێ سووریێ دیار کر، د چارچۆڤەیێ رێککەفتنا کو بەری نها د ناڤبەرا هەسەدێ و شامێ دا هاتیە کرن هەتا نها چار لیوایێن هەسەدێ بووینە پشکەک ژ لەشکرێ سووریێ و هەر چار لیوا ژی دێ پشکداریێ د خۆلێن راهێنانێن سەربازی دا کەن.
ناڤهاتی ئەو یەک ژی دیار کر، هژمارا هێزێن هەسەدێ گەلەک زێدەترن ژ چار لیوایان و نها دانوستاندن بۆ ڤێ یەکێ دهێتە کرن کا دێ هێزێن دی چاوا کار کەن.
سەبارەت ب عەفرینێ و سەرێ کانیێ ژی ناڤهاتی دیار کر، ل وان دەڤەران ژی دێ گەنجێن کورد هێنە وەرگرتن دا د ناڤ لەشکرێ سووریێ دا جه بگرن و دەڤەرێن خوە بپارێزن، چونکی نها کارەک مەزن بۆ ئاڤاکرنا لەشکرێ سووریێ دهێتە کرن، کورد و هەموو پێکهاتەیێن دی بێگومان دێ جهێ خوە د ناڤ لەشکرێ نوو یێ سووریێ دا گرن و دێ وەسا گەلەک پرسێن دی ژی هێنە چارەسەرکرن.
