ئەو خەبات مە یاكری داکو نانەكێ ب ئازادی و تەناهـی و رەحەتی بخوین
سالار محەمەد دۆسكی:
2-5
ئەم ئیناینە بلێ و مە بخوە كەپر چێكرن و ئەم نەبرینە پیرسی وی دەمی مەلا مستەفا بارزانی ژ پیرسی دهاتە خوارێ بۆ شێروانا مەزن ، وێ گاڤێ ژ پیرسی دهات و هەتا ئێڤاری ئەم یێن بن ئەوا كەپرا و چ كاروانیێ ژ دەڤەرێ هاتبا داهێتە دەف مە و دا ئاخڤین و دا خوارنێ خوین، و رێڤینگەك هات و گۆت ئەحمەد میرو باكوزی ئەلغامەك لبن پیا پەقییە و شەهید بوویە، و سەلام میرو باكوزی ژی ل وێرێ بوو و كرە گری و ئەحمەد برایێ سەلامی بوو و هاتمە راسپاردن كو ل گەل سەلامی بچمە دەڤەرا بەهدینان، دا تەوارا مالا خوە بچیت ژ بەر شەهید بوونا برایێ وی و ئەڤە بۆ رێك بچمە دیف خێزانا خوە را چونكە ئەو شەش هەیف بوو مە چ ژێك دو ژی نەزانی و ئەگەر ئەف روودانە دروست نەببا رەنگ هێشتا دەم چووبا و مە چ دەنگ و باسێن ئێك و دو نەزانین، ئەز و سەلام میرو باكوزی ب پیا هاتینە دەڤەرا بەهدینان و ئەز هاتمە دەڤەرێ و سەلام چوو باكوزێ و ئەز مامە ل گوندێ بێشینكێ ل مالا خالێ خوە ئەحمەد عبدوللا و خالێ من گۆت خال من گۆتێ بەلێ گۆت حامد هاتیە و بارەكێ ئەرزاقی بۆ رەشید ئاغای بریە دیهێ و دێ زڤریت چیتە دهۆكێ و ئەگەر تە تشتەك یان پەیامەك نامە هەبیت بخوە بێژێ و شەڤەكێ خال من گۆت حامد هاتیە و ئەم پێكڤە چووینە دەف و مە سلاڤی ئێكودو كر، و من گۆتێ ئەڤە شەش هەیڤە چ دەنگوباسێن مالا خوە نوزانم و ئەو ژی چ ژمن نوزان و من هندەك پارەدانەڤێ بۆ خێزانا خوە، و من گۆتێ بێژێ تاهری گۆتیە ئەگەر بهێن دێ هێمە بەراهیێ ل گەلیێ زڕكا و ئەژی ل دووف ژڤانێ من دانایی چوومە گەلیێ زڕكا و سریا (خالد قەساری) ل وێرێ بوو چوومە دەف و ئەو ا پرسیار ژمن كر، و من گۆتێ ئەڤرۆ دێ زارۆك و هەڤژینا من هێت ئەزێ هاتیمە بەراهیێ و ئێڤاری مەفرەزا وا دەركەفت و ئەژی ل گەل مەفرەزێ دەركەتم و من گۆت ئەگەر من خێزان و زارۆكێن خوە دیتن دێ ل گەل زڤرم و ئەم هاتینە دەشتا سێمێلێ و مەرەزەكا دی كەفتە بەراهی یا مە وێ شەڤێ ئەوێ مەفرەزێ هاڤێت بوو پانزیخانا سێمێلێ و مە پرسیارا زارۆك و خێزانا خوە كر كا نەدیتی نە؟ ئەوا گۆت تو دێ بێژێ دهۆكێ بەردایە و چەند زارۆك و خێزان بۆ قەشەفرێ چووینە چونكە ل دەمێ هاڤێتنا پانزیخانێ خەلك ترسیایە و هەر هەمی بەرەف قەشەفرێ چووینە و چ بكەم جارەكا دی ل گەل مەفرەزێ زڤریم و بوو سپێدە چوومە قەشەفرێ و چوومە دێرێ من دیت زارۆك و خێزانا من هاتینە و ل دێرێ نە، من ل گەل خوە سوار كرن و ئەم هاتینە گوندێ لیناڤا و ل وێرێ گۆتن نابیت تو بچی ئەوا رۆژا حوكمەتێ قەوغا ستاندیە و هەر كەسەكێ بینن توپا دهاڤێژنێ و ئەم ماینە ل مالەكێ گەلەك قەدر و قیمەت دامە و رێز ل مەگرت و تاری كەفتە عەردی مە خواترا خوە خواست و بتنێ وی دەمی من سالح هەبوو، وی دەمی هەر كەسەكێ هاتبا واجبی ب رێكا گوندێ بابوخكێ را هاتن و چوون دكر و رێكا گوندێ كەمەكا نەبوو و هاتن و چوون ل رێكا گوندێ لیناڤا بۆ گوندێ بابوخكێ هەبوو و ئەم چووینە وێ رێكێ و هاتن و چوون هەبوو و خودێ ژ گەلەكا رازی بیت و گەلەكا هاری مە سالح دهەلگرت و جارا ئێكێ بوو وی جهی بینم وێ شەڤێ ئەم دوی چیایی دا هاتینە خوارێ و هاتینە گوندێ بابوخكێ، و ئەم دوڤدا هاتینە گوندێ بێشینكێ و خالێ من ئەحمەد ئەو و یێ بن ئەوا هرمیكا وی دەمی دارستانەكا دروست بوو و مال و حالێن وا ل وێرێ نە و ئەم پێنچ شەش رۆژا ماینە ل وێرێ و سەلام میرو باكوزی ژی هات و مەتا من هندەك نانێ تەنكی بوومە چێكر بۆ رێكێ ڤە بخوین، و دوڤدا ئەم هاتینە كەمەكا مالا مامێ من و ئەم شەڤەكێ دوا ماینە ل وێرێ ژی و مە هێسترەك ئینا و دایكا سالح ل سوار بوو و گەلیێ بۆ باگێرا دچیت و ئەم گەلیی ڕا چووینە باگێرا ل وێرێ ترۆمبێلا كاردكر، هەتا دێرەلوكێ و ئەم چووینە وێرێ و ئەم وێ شەڤێ ماینە ل بارەگایی و سپێدێ مە هێسترەكا بكرێ گرت ب شەش دینارا هەتا ئەم گەهاندینە بلێ، و دوڤدا ئەم چووینە (چۆمان) و سالەكێ دروست مالا ل وێرێ بوو.
تاهر تێلی كەمەكی زێدەتر گۆت: ئەم پتر ژ سالەكێ ماینە ل (چۆمان) هەتا شۆڕش تێكچوویی وەكی شۆڕش تێكچوویی وەكی هەر ئێك ژ خەلكێ كوردستانێ مە قەستا دەرڤە كر، و ئەم ئاوارەیی ئیرانێ بووین و گازی كر (چۆمان) بەردەن دێ بیتە دەڤەرەكا لەشكری، و حوكمەتا مە هەر گازی كر دەركەڤن و ژن و زارۆك دەركەڤن دێ بیتە دەرڤەرەكا لەشكری و دا زیانێن گیانی بەر ب ژن و زارۆكان نەكەڤن.
تاهر تێلی كەمەكی پێشمەرگەیێ شۆڕشا ئیلۆنا ئەو ژی گۆت: ل چومان مالا من و یا چیایێ دێوالی ئاغای پێكڤە بوون، رۆژەكێ زڤریمە مال دایكا سالح گۆت ئەڤ مالا بەرامبەری مە پرسیارا تەدكر، و گۆتیە بلا پشتی شیڤێ بهێنەكێ بهێـتە دەف مە و بەحسێ مالا چیایی ئاغای بوو، و مە مالا خوە بربوو چۆمان و مالا چیایی دێوالی ئاغا بەری مە ل وێرێ بوو، بەلێ من نەزانی مالا چیایی دێوالی ل ڤێرێ یە وپشتی ئەوان پرسیار كری و زانی كو ئەفە مالەكا خەلكێ دهۆكێ نە و خودێ ژێ رازی چیایی دێوالی گۆت بوو زێرەڤانێن خوە چەوا ئەڤێ مالێ نانیاسم، وی دەمی (ئەمین باكوزی و سەعدی ئلیاس گەرماڤی) شوفێرێن وی بوون، و (مەلا سالح ئەلندكی) ئەو ژی ل گەل بوو و (ئەمینێ برایێ عنتەر) كارێ خوارنێ بۆ رەحمەتی چیایی دكر، و چیایی ب رێكا شوفێرێن خوە مالا مە ئاگەهدار كر، كو ئەگەر زەلامێ مالێ زڤری مال بلا بهێتە دەف مە ب گوندی ڤە و ئێڤاری پشتی ڤەگەریایم وەك پێشتر من ئاماژە پێكری دایكا سالح گۆت ڤێ مالێ داخازكریە تو سەرەدانا وان بكەی.
