مەهدی مونیر: ئەم بەرهەڤیێن کورتە فلمەکێ سینەمایی دکەین
زاخۆ، دلۆڤان:
دەرهێنەرێ ئیدارەیا سەربخوە یا زاخۆ مەهدی مونیر د دیدارەکێ دا بۆ ڕۆژناما ئەڤرۆ دیارکر کو د نوکە دا ئەم وەکو ستافێ دراما خۆدیك بەرهەڤیێن دروستکرنا کورتە فلمەکێ سینەمایی دکەین ژ بۆ پشکداریکرنێ د ڤیستەڤالێن جیهانی یێن فلمان دا کو خەلاتێن ژ هەژی ب دەستڤە بینیت.
ناڤهاتی ئاماژە ب وێ چەندێ ژی کر کو مە دڤیا کارێ خوە یێ هونەری بەرفرەهـ بکەین، لەوما ئەم ژ دروستکرنا درامایێ دێ بەرەڤ جیهانا سینەمایێ و دروست کرنا کورتە فلمان ڤە چین، هیڤیدارین ئەڤ کارێ مە یێ نوو ب دلێ پشتەڤان و بینەرێن سینەما کوردی بیت.
گۆت ژی:»ستاف و ئەکتەرێن مە یێن درامایێ دێ ڕۆلێ خوە یێ ئەکتەریێ د ڤی فلمی ژی دا گێڕن، هەر دیسان ئەو ئامیرێن تەکنیکی یێن درامایێ دێ بۆ ڤی فلمی هێنە بکارئینان».
زێدەتر ژی گۆت:»هونەر ل دەف من ژیانە، ژبەر هندێ ئەز نەشێم ژ ئەنجامدانا کارێن هونەری دوور بکەڤم، لەوما ل دەمێ کو کارەکێ هونەری ب دووماهیك دئینم، ئێکسەر هزر ل ئەنجامدانا کارەکێ دی یێ هونەری دکەم».
