كاسیمێرۆی ئاریشە پەیداكر
پشتی ل حەفتییا بۆری یانەیا مانچستەر یۆنایتد یا ئنگلتەرایێ و یێ بەرازیلی كاسیمێرۆ گەهشتینە ڕێكەڤتنێ ب دووماهی ئینانا گرێبەستا هەردو لایان، ژ نشكەكێ ڤە یانەیا ئنگلتەرایێ ل سەر داخوازا پشتەڤانێن خوە لێڤەبوویە و داخواز ژ كاسیمێرۆیی كرییە ڤەگەرێتە یانەیێ.
پەیچێ فەرمی یێ فوتبۆل ئینسایدەر بەلاڤكرییە كو ل سەر گڤاشتنێن پشتەڤانان كارگێرییا یانەیا مانچستەر یۆنایتد ل سەر بڕیارا خوە لێڤەبوویە ئەوا بفەرمی بەری حەفتییەكێ دەست ژ یاریزانێ خوە یێ بەرازیلی كاسیمێرۆیی بەردایە پشتی چار سالان دگەل یانەیێ مایی.
ئەڤچەندە هات دەرئەنجامێ گڤاشتنێن پشتەڤانان ئەوێن بڕێیا ڕاوەرگرتنان و پۆستێن لسەر تۆرێن كۆمەلایەتی داخوازا نووكرنا گرێبەستا كاسیمێرۆیی كرینە ژبەركو ئێك ژ یاریزانێن كاریگەر بوویە دگەل تیمێ، یانەیا مان یۆنایتد ب فەرمی داخواز ژ كاسیمێرۆیی كرییە ڤەگەرێت لێ ڕازی نینە ژبەركو ئەوی ب شیوەیێ دەستپێكی ڕازیبوویە بچیتە یانەیا ئینتەر میامی یا ئەمریكی بۆ وەرزێ بهێت.
