ل جەژنیكان ب تنێ د رۆژەكێ دا من 17 زارۆك ڤەشارتن
سالار محەمەد دۆسكی:
5-11
نسرەت بادی، زیندانیێ سیاسی ئەو ژی گۆت: دەمێ ل سەر هلدانا پیرۆز یا سالا 1991 ئارپیچیەك دەستێ من دا بوو و ئەز چوومە ژوورا رێڤەبەرێ ئەمنێ ڤە نێزیك كورسیكا رێڤەبەرێ ئەمنێ من چەكمەچێن وی كێشان و هندەك راپورت من تێد دیتن و ئینانەدەر و من گۆت سبحان ژ وی خالقێ مەزن ئەز گرتی هاتبوو مە ڤێرێ نوكە ئەز سەركەفتن چوویمە ڤێرە و كەسەكێ ئەڤ هزرە نەدكر و ئەز چوومە دناڤ ژوورێن فائیلا دا و من گۆت دێ فائیلا خوە بینم و هێشتا ئەم نەگەهشتینێ ئێكی نارنجووكەك ل وێرێ هاڤێتنێ و نە بێژە ئەڤێن پەیوەندی ل گەل ئەمنێ هەین هندەك لڤین كرن دا ئەو فائیلە بهێنە سوت ندا ناڤێن ئەوان مرۆڤان نەهێنە ئاشكراكرن چونكە راستی كەسەكێ نەدزاتی دێ ئەف رۆژە هێت ب سەر مللەتێ مە دا و دێ بەعسی كەڤنە دەستێ مە و دێ خەلكێ كوردستانێ ب ژن و زارۆك ڤە رابنە ڤە دژی چەلادێن حوكمەتا بەعس و دەمێ نارنجووك هاڤێتینە ئەوان فائیلا دا ب سوژن و گەلەك فائیلە هاتنە سوتن و نەچار بووم خوە قورتال بكەم من گۆت بابو دێ هێمە كوشتن و دێ ژ كیسێ خوە چم و ئەز دەركەتم و بەرەف مال ڤە هاتم، ئەڤە ل دەمێ سەرهلدانا پیرۆزا سالا 1991 بوویە.
نسرەت بادی، زیندانیێ سیاسی زێدەتر گۆت: دەمێ ل بەری سەرهلدانا پیرۆزا سالا 1991ێ ژ زیندانێ هاتیمە ئازادكرن و 10 رۆژمان عارف بادی ژی ژ زیندانێ دەركەفت و ئەز چوومە دەف عارف بادی گۆت ئەڤە دێ مە كوژن و مە چ رێ نین و ئەز بخوە دێ رەڤم و من گۆتێ پانێ ئەز ژ بەر نە نارەڤم ئەگەر من ژی ڤێت خوە قورتال بكەین و هەر ئێك ژ مە ب رێكەكێ چوو گەهشتە ناڤ رێزێن شورەشا گولانێ و ئەم چووین بووینە پێشمەرگە و مە رێكخراوەك دروستكر بناڤێ رێكخراوا سپیرێز و ئەڤە ئەم چووینە گەلیێ گەرەگو باوەركا كەڤری ل سنورێ لژنا ناوچا ئامێدیێ یا پارتی دیموكراتی كوردستان و ئەم پێكڤە نەچوو بووین و عارف لایێ دی را چوو و ئەز د لایێ دی را هاتم و ل وێرێ مە رێكخراوەك دروستكر وەك پێشتر من ئاماژە پێدایی و ئەم چووینە دەف جەنابێ سەرۆكی وی دەمی سەرۆك ل دەڤەرا نێروە بوو، ئەم دەهـ دوازدە مرۆڤ بووین و سەعدی زاویتە خودێ ژێ رازی بیت ئێكی مەسیحی بناڤێ میشەبوو بەرگێری مللی بوو و ماهینەك هەبوو، سەعدی یێ مەزن بوو ب عەمری ڤە ل هندەك عەردان سوار بوون و ئەم نێزیكی دەهـ دوزادە كەسان بووین و ئەم ل گەلیێ سەرگەلێ ب سەركەفتین و بۆ بوشەمبەبیێ و ئەم دەرباز بووین و ئەم چووینە لقا ئێك وی دەمی قارد قاچاخ و رەمەزی شەعبان خودێ ژێ رازی بیت ئەو هەر دو لقێ بوون، قارد قاچاخ دەمێ خوە دا قوتابیێ من بوو و ئەوا برۆسكەك بۆ جەنابێ سەرۆكی لێدا و ئاماژە ب هاتنا مە ئەوان مرۆڤان كر بۆ بارەگایێ لقێ ئێكێ پارتی دیوكراتی كوردستان و بەرسڤا برۆسكێ هات و گۆت بلا بهێن و هەر دیسا ئەم ب رێ كەفتین بەرەف نێروە وی دەمی جەنابێ سەرۆكی جهەك هبوو بەلێ خەلك ل وی جهی ئەو نەدیت و نەچوونە وێرێ و جەنابێ وی دهاتە خوارێ و ژوورێن زێرەڤانا هەبوون و ئەو ژوور بەر و هەری بوون و زێرەڤانێن وی ل ئەوان دەڤەرا بوون و خودێ ژێ رازی دەمێ ئەم چووینە كولیژێ ل قوناغا ئێكێ د. جەریس ئەو ل قوناغا چارێ بوو بەلێ بیرا وی نەهات و چونكە ئەم گەلەك نەمابووینە ل گەل ئێك هەتا ئەم باش ئێك و دو بنیاسین، جەنابێ سەرۆكی دژوورەكا تەنگ دا بوو و گەلەك ب زوری جهێ مە دكر و ئەڤە كەنگی بوو پشتی وەغەركرنا خودێ ژێ رازی ئدریس بارزانی بوویە، ریهێن جەنابێ سەرۆكی هندی تلەكێ درێژ ب بوو و ریهێن خوە نە تراشی بوون و هندەك سحبەت و بابەت هاتنە بەحسكرن و دووڤ دا ئەم هاتینە لقێ و جەنابێ وی برۆسەك بۆ لقێ لێدا بوو و فەرمان دا بووك ا چ چەك هەیە ئەم بهێنە چەككرن و لقێ چە نەبوو و هندەك وەسەت هەبوون و برنویەكا وەسەت و ئەگەرئێكی تڤەنگەك هەبیت و ئەم هاتین و ئەم ماینە ل گەلیێ گەرەگو و ئەم هاتینە گازیكرن و چەكەكێ باش بۆ رێكخراوا مە ژ ئیرانێ هات دو ئارپیچی بوون و بیكەسی و كلاشینكوف و ئەم ژی كەفتینە ئەركێن خوە دا و پتریا ئەركێن مە ل بوتیا بوون و بوت و شەریفا ژ بەرێ كەر وێڤە ل سەر رێكا ئامێدیێ و ئەم رێكخراوا چارچرا و رێكخراوا چارچرا خودێ ژێ رازی مراد قدشی بەرپرسێ رێكخراوێ بوو و هەر دو رێكخراوێن مە ل بوتیا بوون وی دەمی بوتیا یا بەردایی بوو، دووڤ دا بۆ عەملیا دێرەلوكێ و عەملیا دێرەلوكێ لقا ئێك ب هەمی لژنێن خوە ڤە ئەڤجا ژ لژنێن زاخو، ئامێدیێ، شێخان، گولان ئانكو هەمی لژنە و هەمی هێزا خوە ڤە پشكداری ڤێ داستانا مەزن بوو و ئەم ژی دەربازبووین ل گەلیێ گەرەگوو و مە پیچ پیچە خوە نێزیكی دەڤەرێ دكر و هەر گوندێ ئەم چووباینێ ئەم شەڤەكێ ل وی گوندی دماین و ئەم چووینە رەزیكێ و ئەم چووینە گوندێ دێرەشێ و ل گوندێ دێرەشێ خودێ ژێ رازی بیت مامۆستایەكێ ئاینی بوومن دوعاكرن، بانگێ مەغرەب دا و دێ مە بەلاڤ كەن كو هەر دو یان سێ پێشمەرگە بچنە مالەكێ و دەمێ بانگێ مەغرب دایی من گۆتە خودانێ مالێ مزگەڤتا نێزیكە دێ چمە مزگەفتێ نڤێژا خوە كەم و زڤرم گوت بلا و دەمێ چوویمە مزگەفتێ و من دەست رێیا خوە ڤەدایی من دی تبتنێ دو كەسێن پشت مەلایی نڤێژێ دكەن و ئەژی بوومە كەسێ سیێ من نڤێژ كر ل پشت، ساجور ل بەرمن بوون و زڤستانە گەلەك سارمایی و من دو دەرسوكێن ب شێوازێ دوسكیانی گرێدابوون و گورە و ساقە ل بەر من بوون و نەرچاربووین وەرزێ زڤستانێ بوویە خوە ب پارێزین و مە نڤێژا خوە یا مەغرەب كر و ئەز رابووم هاتمە مالێ و من شیفا خوە ل وێ مالێ خوار ئەوا بوومن هاتیە دەست نیشانكرن، پشتی مە خوارن خاری و مە هندەك سحبەت كرین بانگێ عەیشا دا من گۆتە خودانێ مالێ ژ دەستیریا هەوە بیت مزگەڤتا نێزیكە و دێ چم نڤێژا خوە یا عەیشا ل مزگەڤتێ كەم و ئەز چووم من نڤێژا عەیشا ژی ل دیف وی مەلایی كر.
