شانۆگەریەكا كوردی ل بریتانیا هاتە نیشادان
زنار تۆڤی
شانۆگەریا (دەڤەرا ئارام) ژ دەرهێنانا یاد دین، دەرهێنەرێ ناڤدارێ كوردە و پەنجەرەیەكا هونەری یە بۆ ئێك ژ هەستیارترین لاپەرێن دیرۆكا دەمێ نوو یا كوردستانێ ڤەكر، ل شانۆیا ئاركۆلا ل لەندەنا پایتەختێ بریتانیا هاتە نیشادان.
رزگار باهر، دەربارەی وێ نیشادانێ گۆت: ناڤەرۆكا شانۆگەریێ دزڤڕیت بۆ سالا 1991 ێ، قووناغەكا هەستیار د دیرۆكا نوو یا كوردستانێ دا، دەمێ ب هزاران خێزان نەچار بووین بەرەف چیایان ڤە بچن، بەرهەم ب شێوازەكێ هونەری رۆناهیێ د د ئێخیتە سەر پەیوەندیا كویر یا د ناڤبەرا مرۆڤی و سروشتی دا، و ئەو رۆلێ دبلۆماتكاران و بریارێن سیاسی د دەستنیشانكرنا چارەنڤیسێ خەلكی دا هەی.
هەروەسا گۆت: یاد دین، دەرهێنەرێ شانۆگەریێ، د رێیا ئەزموونا خۆ و خواندنا روودانێن سیاسی و مرۆڤی یێن وی سەردەمی دا، شانۆگەریەك چێكریە كو سنۆرێ روودانێن دیرۆكی دەرباز دكەت و پرسیارێ ل سەر هزركرنا هەڤچەرخ دكەت، ل سەر هندێ كا چاوا دیرۆكێ هیشتا كارتێكرن ل سەر نووكە یامە هەیە، ئەو هونەرمەندە بەحسێ گرنگترین دەمێن نیشادانێ دكەت و دبێژیت: د ئێك ژ كاریگەرترین دەمێن شانۆگەریێ دا، ئامیرێ بلۆرێ هاتە ژەنین، ب ئامرازەكی كو ژ بەرمایكێن چەكی هاتیە چێكرن، ئەو دەنگە ژلایێ رزگاربوویەكێ كوردێ ئێزدی ڤە دهێتە پێشكێشكرن،.
