ب دەستڤەئینانا زۆرترین دەنگان، بەلگەیێ پێشكەفتنا بەردەوام یا رێكخستنێن مەیە
هێمن هەورامی، ئەندامێ مەكتەبا سیاسی و بەرپرسێ مەكتەبا رێكخستنا پارتی، سەرەدانا دەڤەرا بالەكایەتی كر و ل گەل بەرپرسێن حزبی و سەربازییێن وێ دەڤەرێ كۆمبوو.
د وێ سەرەدانێ دا هێمن هەورامی راگەهاند، ب دەستڤەئینانا زۆرترین دەنگان ل دەڤەرا بالەكایەتی ژ ئالیێ پارتی ڤە، وەك هێزا سەركەفتییا ئێكێ د چەندین هەلبژارتنان دا ل ڤێ دەڤەرا گرنگ، ئاماژەیەكا دیارە بۆ پێشكەفتنا رێكخستنێن مە ل ئاستێ چەندایەتی و چاواتیێ.
د چارچۆڤەیێ دووڤچوونا ئەرك و كارێن رێكخستنێ ل ئۆرگانێن جودایێن پارتی دیموكراتی كوردستان، هێمن هەورامی، ئەندامێ مەكتەبا سیاسی و بەرپرسێ مەكتەبا رێكخستنا پارتی، ل گەل هەژمارەكا هەڤالێن پشكا رێكخستنا مەكتەبا سیاسی و مەكتەبا رێكخستنا پارێزگەها هەولێرێ، ل چۆمان سەرەدانا لقا 26 یا گولان كر.
د دیدارەكێ دا كو هەڤالێن بەرپرس و كارگێرێن لقێ، بەرپرس و كارگێرێن رێكخستنا ناڤچەیان و بەرپرس و كارگێرێن رێكخراوان ئامادەبوون، ب هووری دوماهی رەوشا رێكخستنێ و هەلسەنگاندن و دووڤچوونا كارێن تەنزیمی یێن سنوورێ لقا 26 هاتە كرن و داتایێن پێدڤی هاتنە بەرچاڤكرن.
هێمن هەورامی د وێ دیدارێ دا راگەهاند: «ئەوێ جهێ دلخۆشیێ یە، ل ئاستێ چەندایەتی و چاواتیێ، رێكخستنێن پارتی ل بالەكایەتی پێشكەفتنێن مەزن دیتینە. ژ سالا2018 ێ وەرە وەك هێزا سەركەفتییا ئێكێ ل ڤێ دەڤەرێ، هەلبژارتن ل دووڤ هەلبژارتنێ دەنگێن پارتی ل پێشەنگ بووینە و بەر ب بلندبوونێ چووینە».
هەروەسا ل حاجی ئۆمەران، هێمن هەورامی سەرەدانا سیهاد بارزانی، فەرماندەیێ فەرماندەیا هێزا پشكنینا ئێكێ كر. د دیدارەكێ دا ل سەر دووماهی پێشهاتێن دەڤەرێ بیروڕا گوهۆڕین. د هەمان دەم دا، هەورامی سوپاس و پێزانینێن خوە ئاراستەی سیهاد بارزانی كر، ژ بۆ وێ رۆلێ گرنگ یێ ب هەماهەنگی ل گەل دەزگەهێن دی كرین بۆ ئارامی و ئاسایشا دەڤەرێ.
