سەرۆكێ هەرێمێ دوپاتیێ ل سەر پتر بهێزكرنا پەیوەندیێن دۆستانە ل گەل فەرەنسا دكەت
نێچیرڤان بارزانی سەرۆكێ هەرێما كوردستانێ ب هەلكەفتا ب دووماهیهاتنا ئەركێ وی پێشوازی ل (پاتریك دۆرێل) بالیۆزێ فەرەنسا ل ئیراقێ كر د دیدارەكێ دا سەرۆكێ هەرێما كوردستانێ سوپاسییا بالیۆزێ فەرەنسا كر بۆ بزاڤ و كارێن وی د پێناڤی پێشئێخستنا پەیوەندیێن فەرەنسا ل گەل ئیراقێ و هەرێما كوردستانێ و هیڤییا سەركەفتنێ د ئەركێ وی یێ داهاتی دا بۆ خواست.
ژ ئالیێ خۆ ڤە بالیۆزێ فەرەنسا سوپاسییا نێچیرڤان بارزانی و ئالیێن پەیوەندیدارێن هەرێما كوردستانێ كر كو هەردەم هاریكار بوون بۆ سەرئێخستنا ئەركێ وی هەروەسا دووپاتی ل سەر خواستا وەلاتێ خۆ بۆ پێشئێخستنا پتر یا پەیوەندییان و بەرفرەهكرنا هەڤكاریێن هەڤپشك ل تەمامییا بواران دا كر. د وێ دیدارێ دا (یان برێم) قونسلێ گشتیێ فەرەنسا ل هەرێما كوردستانێ بەرهەڤ بوو.
