داخۆيانيا وه‌زاره‌تا دارايى ل سه‌ر كێمكرنا مووچێ فه‌رمانبه‌ر و خانه‌نشينكريان
ئه‌ڤرۆ نيوز:
وه‌زاره‌تا دارايا عيراقێ دياركر كو ده‌ستكارى د مووچێ فه‌رمانبه‌ران و خانه‌نشينكريان ناكه‌ن و دێ بزاڤا دابينكرنا پاره‌يى بۆ پێدانا وى مووچه‌يى ده‌ن.
ماهر حسێن به‌ياتى، پشكينه‌رێ گشتێ ل وه‌زاره‌تا دارايى يا عيراقێ راگه‌هاند: “وه‌زاره‌تا دارايى كار بۆ دابينكرنا مووچێ فه‌رمانبه‌ران و خانه‌نشينكريان دكه‌ت و ل ڤێ قووناغێ چو ده‌ستكاريێ و كێمكرنێ د مووچه‌يى دا ناكه‌ت”.
پشكێنه‌رێ گشتى ل وه‌زاره‌تا دارايى يا عيراقێ گۆتژى: “وه‌زاره‌تا دارايى نوكه كار بۆ زێده‌كرنا داهاتان دكه‌ت ب رێيا پلان دارێتن و رێ و جهێن باش دگريته به‌ر و باج ژى خستيه سه‌ر فرۆتن و گۆمركێ ب پشت به‌ستن ل سه‌ر قانوونا بودجا گشتى بۆ تژيكرنا كێماسێن بۆدجه‌يى”.