چیڕۆكا دو هەڤژینان ب ستران ڤەگێڕایە
رەمەزان زەكەریا
سترانبێژ (لوقمان سەلیم) ددیدارەكێ دا بۆ رۆژنامەیا ئەڤرۆ گۆت: چیرۆكا سترانا منا نوو (ئازار) من ل سەر وەفاداری و حەزژێكرنا ڕاستەقینە یا دناڤبەرا دو هەڤژینان چێكریە، دو كەس كو پشتی دەربازبوونا سالان و گەهشتن ب ژیێ مەزن، هێشتا هەمان سۆز ڕێز و دلسۆزیا دەستپێكێ بۆ ئێك و دو پاراستییە.
ناڤبری گۆت: سترانا من یا نوو ژ پەیڤێن (مازیار فایەق) و من ب خۆ ئاواز بۆ دانایە، هەروەسا كارێ دابەشكرن و ئامادەكرنا مۆزیكا وێ ژلایێ (پێشەوا محەمەد) ی ڤە هاتیە دانان، كارێ ڤیدیۆ كلیپێ ب ژیرییا چێكری ژلایێ (وەلید جاف) ڤە هاتیە چێكرن و چیرۆكا ڤێ سترانێ ل سەر وەفاداری و حەزژێكرنا ڕاستەقینە یا د ناڤبەرا دو هەڤژینان هاتیە چێكرن و وێنەیەكێ جوان ژ ژیانا هەڤژینان پێشكێش دكەت و ڤێ چەندێ نیشا ددەت كو حەزژێكرنا ڕاستەقینە ب پاراستنا وەفا و هەڤپشكیێ ل هەموو قۆناغێن ژیانێ دا ئارمانج و مانایا خۆ یا ڕاستەقینە دبینیتە ڤە.
