ژیریا چێكری بۆ پەیامنێران یا باش نینە
بێوار حەمدی
شكیران زێباری، پەیامنێرێ ئاڤا میدیا ل هەردو قەزایێن ئاكرێ و بەردەڕەش، د دیدارەكێ دا بۆ رۆژنامەیا ئەڤرۆ گۆت: ئەڤە (12) سالن ئەز دبۆارێ راگەهاندنێ دا كاردكەم و من ل دەزگەهێن جودا جودا كاركرییە، لێ ئەڤە دو سالن ل ئاڤا میدیا كاردكەم و ب كارێ خۆ یێ دلخۆشم و ئارامم، چنكو ئەز دزانم ب رێكا مایكا خۆ ئەز شیایمە خزمەتا دەڤەرا خۆ بكەم.
هەروەسا گۆت: ئەڤ كەنالە پرەكا گەهاندنا دەنگێ وەلاتیانە بۆ جهێن شۆلەژێ و نەخۆشتر كار كو بۆمە هندەك ئاستەنگان دروست دكەن هندەك ڕەوشت و تیتالێن جڤاكی نە، چنكو هەتا نوكە هندەك ل دەڤەرا مە ماینە، ئەو ژی هێشتا دەڤەرا مە عەشائیری یە و هندەك بابەت كارڤەدانان ل دووف خۆ دهێلن.
دەربارەی ژیریا چێكری ژی كو هەتا چو ڕادە دروستە مەدیاكار مفای ژێ وەربگرن، ناڤهاتی گۆت: ژیریا چێكری بۆ هەر كارەكی بهێتە بكارئینان ئەز دژایەتیا وێ ناكەم بەس كارێ راگەهاندنێ ب تایبەتی ژی پەیامنێری نەبیت، ژبەركو بۆ پەیامنێران یا باش نینە، هەرچەندە پێزانیان ددەتەمە، لێ دبیتە ئڤەر ژی كو هزرێن پەیامنێری تێكددەت و ئەڤە ژی بۆ پیشەیا وی ب شاشی دزڤڕیت.
