كانیێ كلیپەكا نوو بەلاڤكر
زنار تۆڤی
سترانبێژ (كانی) نووترین سترانا خۆ ب ناڤێ كانی بەلاڤكر و دبێژیت: من ئەڤ سترانا خۆ یا نوو ب دەنگێ دلی گۆتیە و من ل بەربوو ل دەستپێكا ئەڤ سالە بەلاڤ بكەم، بەلێ ژبەر رەوشا كوردان ل رۆژئاڤایێ كوردستانێ و پاشی ل رۆژهەلات، من ئەڤ بەرهەمە پاشخست.
كانیێ گۆت: ئاواز و مۆزیكا ڤێ سترانێ ساسان سەمەدی ئامادە كریە و هەلبەستا سترانێ ژی یا هەلبەستڤان ناسر حیسامیە، ئەز سوپاسیا هەموو مۆزیكژەنان دكەم، یێن كو پشكداری د ڤی بەرهەمێ من دا كرین، هەروەسا مۆزیكژەن ساسان سەمەدی د ئاواز، دابەشكرنا مۆزیكێ و كەمانچێ دا پشكداری كریە، تاهر میرسەیدی سەنتور و عود، جەعفەر رەشادەت تار، میلاد قورەیشی دەف و بیندیر، سامان ئەلیاسی زەربی ژەنیە، ئامادەكرن و دابەشكرنا مۆزیكا سترانێ ژ لایێ ئومێد رەهرۆ بۆ هاتیە كرن، ئەڤ سترانە من ب دەنگێ دلی گۆتیە، هیڤیدارم من شیا بیت خزمەتا گوهدارێن دەنگێ خۆ كربیت.