هونەرمەند (محەمەد تاها ئاكرەیی) ئەڤرۆ دێ كۆنسێرتەكێ ل دهۆكێ گێڕیت
زنار تۆڤی
ب هەلكەفتا ئاهەنگێن (16) ی، تەباخێ سالڤەگەڕا (80) ێ، یا دامەزراندنا پارتی دیموكراتی كوردستان، مەكتەبا رێكخستنا پارتی دیموكراتی كوردستان ل دهۆكێ، ب هەڤكاری ل گەل رێڤەبەریا سەنتەرێ بەهدینان یێ تۆرا میدیایی یا كوردستان، ل بەرە ئەڤرۆ رۆژا چارشەمبی كونسێرتەكا هونەری بۆ هونەرمەند (محەمەد تاها ئاكرەیی) ل هولا كونفرانسان ل زانكۆیا دهۆكێ بگێڕیت.
نسرەت هادی، رێڤەبەرێ سەنتەرێ بەهدینان یێ تۆرا میدیایی یا كوردستان، ل دۆر وێ ئاهەنگێ بۆ رۆژنامەیا ئەڤرۆ گۆت: كۆنسێرت دێ ل دەمژمێر (11) ی، سپێدێ بیت ل هۆلا كۆنفرانسان هونەرمەند محەمەد تاها ئاكرەیی، دێ سرۆدا نیشتیمانی یا بناڤێ ( ئارمانجا بلند) بێژیت، كو پەیڤێن وێ هەلبەستێ یێن منن، ریكۆرد و كارێ دابەشكرنا مۆزیكێ ژلایێ جهگر ئەنەس ئامێدی ڤە بۆ هاتیە كرن، میكس و ماسترینگ ل توون ستۆدیۆ هاتیە ئەنجامدان و توون ماستەر، ژ لایێ محەمەد بامەرنی ڤە هاتیە كرن، محەمەد تاها ئاكرەیی دێ ب دەنگێ خۆ دێ چەندین سترانان د وێ كۆنسێرتێ دا پێشكێش كەت..
