پێشمەرگە هێزەكا دەستووری و فەرمییە ل ئیراقێ
پەیڤدارێ هەڤپەیمانییا نەسر یا ئیراقی ئاماژێ ب ڕۆلێ پێشمەرگەی د پاراستنا هەرێما كوردستانێ كر و ڕاگەهاند: پێشمەرگە هێزەكا دەستوورییە و خەلكێ ئیراقێ دەنگ بۆ دای، لەوما هەر داخوازییەك بۆ هەلوەشاندنا وێ، داخوازییەكا بێ بنەمایە.
د. سەلام زوبەیدی، پەیڤدارێ هەڤپەیمانییا نەسر ب سەرۆكاتییا حەیدەر عەبادی، سەرۆك وەزیرێن پێشتر یێ ئیراقێ زێدەتر گۆت» ئەوێن داخوازا هەلوەشاندنا هێزا پێشمەرگەی دكەن هەر ئەون كو گەفان ل عەلی زەیدی، سەرۆك وەزیرێن ئیراقێ دكەن، بەلێ پێدڤییە هەموو ئالیێن ئیراقێ پشتەڤانێن عەلی زەیدی بنكو داخوازا كۆمكرنا چەكی د دەستێ لەشكەر و دەولەتا ئیراقێ دا دكەت.
د. زوبەیدی رۆهنكر ژی» پێشمەرگە هێزەكا دەستووری و نیشتمانییە و ڕۆلەكێ مەزن د ڕزگاركرنا ئیراقێ دا ژ دەستێ داعشێ هەبوو و مل ب ملێ هێزێن ئیراقی بەرگری كریە و پشكەكە ژ سیستەمێ بەرگریێ ئیراقێ، لەوما هەر بزاڤەك بۆ بەراوردكرنا هێزا پێشمەرگەی ب گرۆپێن چەكدارێن دەرڤەی یاسایێ بەهانەیەكا بێ بنەما و پووچە.
