سێ شێوەكارێن كورد پشكداریێ د پێشانگەهەكا نێڤدەولەتی دا دكەن
رەمەزان زەكەریا
سێ شێوەكارێن كورد (ئەحمەد نەبەز، كۆسار جەلال، خەیری ئادەم، پشكداری د خولا (27) یا پێشانگەها نێڤدەولەتی یا شێوەكاری دا دكەن، كو ل باژێرێ مێخۆف ل وەلاتێ پۆلەندا دهێتە ڕێڤەبرن.
ئەحمەد نەبەز گۆت: دڤێ پێشانگەهێ دا(28) هونەرمەندان ژ شەش وەلاتێن جیهانێ د ئێك جهـ دا كۆم دكەت بۆ لێك گۆهۆڕینا ئەزموونێن داهێنان و پێشخستنا پەیوەندیێن كلتووری، د خولا ئەڤ سالە دا هونەرمەندێن وەلاتێن كرواتیا، كوردستان، لیتوانیا، پۆلەندا، سلۆڤاكیا و سلۆڤینیا پشكدارن، هەر ئێك ب شێواز و زمانێ هونەری یێ تایبەت ب خۆ، تێڕوانینەكا نوو بۆ جوانییا سروشتی، ژیانێ و كلتووری ل سەر كانڤاسی دپێشینن.
هەروەسا گۆت: پشكداریكرن د پێشانگەها نێڤدەولەتی دا بتنێ پشكداریەكا ئاسایی د چالاكیەكا هونەری دا نەبوو دەلیڤەیەك بوو بۆ ناساندنا هونەر و كلتوورێ كوردی د ئاستێ نێڤدەولەتی دا، ئەڤ جۆرە كۆمبوونێن هونەری ڕێكێ خۆش دكەن بۆ نیاسین هاریكاری و ئەزموونا د ناڤبەرا هونەرمەندێن جیهانێ دا.
