هەبوونا ڤان جۆرە فێستیڤالان گرنگیا خۆ هەیە
سندس سالح سلێڤانەیی
محەمەد دوح، ئێك ژ پشكدارێن فێستیڤالا چارێ یا بازاڕگەڕییا وەلاتی (مسرێ) بوو، ئەوا ل حەفتیا بۆری ل دهۆكێ ب دووماهی هاتی، د دیدارەكێ دا بۆ رۆژنامەیا ئەڤرۆ گۆت: ئەز ب خۆژی ژ وەلاتێ (مسرێ) مە و پشكداریا من دڤێ پێشانگەهێ دا ب نیشادانا هندەك جلكێن ژنان و كچان و (ئیكسسواراتان) بوو، كو هەموو ژ بەرهەمێ خۆمالی یێ وەلاتێ منن، بەری نوكە ل پارێزگەها هەولێرێ من پشكداردی د فێستیڤالەكا بڤی ڕەنگی دا كربوو، بەلێ ئەڤە ل دهۆكێ هاتیە كرن بۆ من خۆشتر بوو، لەورا د بەرنامەیێ من دایە سالانە بهێمە دهۆكێ و پشكداریێ دڤێ فێستیڤالێ دا بكەم.
هەروەسا گۆت: هەبوونا ڤان جۆرە فێستیڤالا گرنگیا خۆ هەیە، چنكو هەر چو نەبیت هندەك پەیوەندیێن بازرگانی دناڤبەرا كۆمپانیێن پشكداردا چێدبن، زێدەباری هەڤنیاسینێ و هیڤیا من ئەوە رۆژەكێ ئەڤ جۆرە فێستیڤالە ل وەلاتێ من ژی هەبن و كۆمپانی و خوادنكارێن دهۆكێ ل وێرێ د پشكداربن.
