وێنەگرەكێ كورد پلا سێیێ ل سەر ئاستێ جیهانێ ب دەستڤەئینا
زنار تۆڤی
وێنەگرەكێ كورد كو خەلكێ باژێرێ بۆكانێ یە ل رۆژهەلاتێ كوردستانێ د بەریكانەیەكا نێڤدەولەتی یا وێنەگریێ دا ل ئەمریكا، خەلاتێ سێیێ یێ بەریكانێ و سێ خەلاتێن رێزلێنانێ ب دەستڤە ئینان.
وێنەگر (شێركۆ مام ئاغا) شیا د بەریكانەیا نێڤدەولەتی یا ئای پی ئەی یا 2026 ێ، بۆ وێنەگریێ ل ئەمریكا، پلا سێیێ یا جیهانی وەربگریت و دیاركر: ئەڤ سەركەفتنە نیشانا شیانێن هونەرمەندێن بۆكانی یە ل گۆرەپانێن نێڤدەولەتی و شیانێن بلند یێن وێنەگرێن ڤی باژێرینە بۆ ناساندنا فەرهەنگ، نەریت و شێوازێ ژیانێ یێ خەلكێ دەڤەرا مە، ب رێكا هونەرێ وێنەگرتنێ، هەروەسا ژ بەر وێنەیێ من یێ تایبەت ب رێورەسمێن دەفژەنییا خەلكێ گوندێ پالەنگان ئەز شیام پلا سێیێ یا جیهانی د پشكا روودانان، نەریت و رەوشەنبیریان ب دەستڤە بینم، هەروەسا من رێزلێنانەك د بەرهەمێ دوكەلا دیرۆكی ل پۆرترێتا بێدەنگیێ ب دەستڤە ئینایە. ناڤهاتی گۆت: بەرهەمێ من یێ چارێ یێ وێنەگریێ، بۆ ب دەستڤەئینانا رێزلێنانا دویێ ب ناڤونیشانێ دۆستێن سروشتی بوو، كو گرێدایە ب نیشاندانا ژیان و پەیوەندیێن مرۆڤی ب سرۆشتی ڤە، كو ب ڤی رەنگی ئەز شیام خزمەتا دەڤەرا خۆ بكەم. پێشبركا ناڤدەولەتی یا وێنەگریا ئای پی ئەیئێكە ژ چالاكیێن بناڤودەنگ یێن بۆارێ وێنەگرتنێ ل سەر ئاستێ جیهانی كو بەرهەمێن وێنەگرێن وەلاتێن جودا ل پشكێن جودا هەلسەنگاندن بۆ دهێتە كرن.