پەیمانگەهەکا چینی: چا شانەیان ژ تێکچوون و هەوکرنێ دپارێزیت
چێدبیت بتنێ وەک کەیفخۆشییەکا رۆژانە یان هۆکارەک بۆ هۆشیارکرنا مێشکی بەرێ خۆ بدەینێ، بەلێ ڤەکۆلینەکا زانستی ل چینێ دیاردکەت، ئهڤ ڤەخوارنا بەلاڤ دشێت ببیتە ئەگەرێ پاراستنا ساخلەمیا گشتی و درێژکرنا عەمری، بەلێ ب مەرجەکێ ب شێوازەکێ ساخلەم بهێتە ڤەخوارن.
د. مینگچوان یانگ، ڤەکۆلەرێ سەرەکی یێ زانستێن کشتوکاڵی ل پەیمانگەها ڤەکۆلینێن چایێ ل چینێ، شیکاری بۆ ملیۆنان پشۆداربوویان ل سەرانسەری جیهانێ کری ب مەبەستا پیڤانا مفایێن ساخلەمیێ یێن چایێ.
د. مینگچوان دیارکریە، پێکهاتێن زەنگین یێن د ناڤ چایێ دا ب تایبەت (کاتێچین و دژەئۆکسێنەر د چایا کەسک و رەش دا) گەلهک ب مفانە بۆ لەشی، چونکی شانەیان ژ تێکچوون و هەوکرنێ (ئیلتیهابێ) دپارێزن و مەترسییا تووشبوونێ ب نەخۆشیێن دلی، قەلەوی، شەکرا جۆرێ دوێ و هندەک جۆرێن پەنجەشێرێ کێم دکەن.
ڤەخوارنا چایێ مێشکی ژ لاوازبوونێ دپارێزیت و رێگریێ ل پووچبوون و لاوازبوونا ماسوولکێن کەسێن ب عەمر دکەت.
پەیمانگەها ڤەکۆلینێن چایێ ل چینێ شیرەتان ددەت، ڤەخوارنا بڕەکا هەڤسەنگ بۆ نموونە رۆژانە 2 بۆ 3 پەرداخێن چایا سروشتی باشترین هەڤسەنگیێ بۆ ساخلەمیا دلی و درێژیا عەمرێ دابین دکەت. پێدڤی یە دوور بکەڤین ژ زێدەکرنا بڕەکا زۆرا شەکرا سپی بۆ ناڤ چایێ، هەروەسا چایێن د قۆتیان دا ژی نەڤەخۆین، چونکی بڕەکا زۆرا شەکرا دەستکرد و کەرستێن پاراستنێ تێدانە کە مفایێن چایێ کێم دکەن.
