مەحموود محەمەد: ل نێزیك پارتی و ئێكەتی دێ كۆمبن
مەحموود محەمەد، پەیڤدارێ پارتی دیموكراتی كوردستان ڕاگەهاند ل دەمەكێ نێزیك هەردوو مەكتەبێن سیاسی یێن پارتی و ئێكەتیێ دێ كۆمبن. دیاركر ژی: پێدڤییە د زووترین دەم دا پەرلەمان بهێتە كاراكرن و پێنگاڤ بۆ پێكئینانا كابینەیا دەهێ دەستپێبكەن.
پەیڤدارێ پارتی ئاماژە كر كو «كۆمبوونا گۆپیتكێ» پشتی كۆمبوونا شاندێن هەردوو حزبان دێ هێتە ئەنجامدان. دوپاتی ل سەر وێ چەندێ ژی كر كو مێزا دانوستاندنێ بتنێ ڕێكا چارەسەركرنا وان بابەتانە یێن كو ماینە هەلاویستی. هەروەسا سوپاسییا ئالیێن سیاسی كر بۆ ڕۆلێ وان د شكاندنا قەیرانا سیاسی دا و ب ئەركەكێ نشتیمانی ل سەر ملان ناڤ كر. ل دۆر هەلبژارتنان گۆت، بڕیار د دەمێ خوە دا ل سەر دهێتە دان هەكە ڕێیەك هەبیت.
