جەلادێ زیندانـێ گۆت، ئـەز چەند كێڤلان دانمە تـە، دێ هند پەرداغێن ئاڤـێ دەمە تە تو ڤەخۆی
سالار محەمەد دۆسكی:
5-8
هەمان زیندانی بەحسێ بیرهاتنەكا دی یا زیندانێ كر و گۆت: بیرا من دهێت جارەكێ گەنجە ئینا ناڤ زیندانێ هوسا قوتا بوو وەكی كەلەخی ئینا ناڤ ژوورا زیندانێ و هاڤێتە وێرێ و ئەوی بتنێ دگۆت ئودا گەردەنا من ئازا بكە، و ئەم هەمی هنداڤ سەری بووین و مە دكرنە گری و زەلام ب قوتانێ ناكەتە گری بەلێ ئەگەر زەلامی دەستهەلات نەبیت ئەو یا ب مەترسی یە و ئاها وێرێ دكەتە گری و كریت ژ قەهران دا و نوكە ئەو قوتان بوومن خەم نەبوویە بەلێ ئەو بێ دەستهەلاتیا مە و كەسەك تە ب قوتتیت و تە چ پێ چ نەبیت ئەو خەم بوویە و ئەو دبیتە نەخوشی و پەنجەشێر بۆ زەلامی چونكە زەلام عیناتە و بێ دەست هەلاتی ژ كوشتنێ نەخوشترە بۆ زەلامی و ئەم نێزیكی 20 زەلامان ل هنداڤ سەری بووین و مە چ پێ چێ نەبوو و مە چ دەستهەلات نەبوو و زەلامەكی ل هنداڤ سەری كرە گری و گۆتێ ئەم هەمی وەكی تەینە و مە هەوارە و نەمە دایە و نەمە بابە و ئەڤجا توژی وەكی مە خوە رابگرە و ئەوی هاش خوە نەبوو و هەر دگۆت گەردەنا من ئازا بكە ئو دا، مە هەمیان بەردا گریێ و كەسەك ژ مە پێ چ نابیت بۆ چ بكەت و گۆتێ ئەم ژی وەكی تەینە و دڤێت ئەم خوە راگربین و مە چ دایك و باب نین و دڤێت خوە راگربین.
هەمان زیندانی ئەو ژی گۆت: قوتانەكا ب هەمی جوران هەبوو فەلاقە و بتل و كێڤل و ئەڤە هەمی ل كەركووكێ هەبوو و بتنێ مرن ل كەركووكێ هەبوو و هیڤیا ژیانی ل وێرێ گەلەك یا كێمە 5% یە و پشتی ەڤان رۆژا هەمیان هەر ئەم چاڤەرێی مرنێ بووین و مە هەر دگۆت كەنگی دێ مرین و مە نە دگوت كەنگی دێ دەركەڤین، حوكمەتا ئیراقێ دلوڤانیێ ب كەسەكێ نەدبر و نەكو دگۆت ئەڤ كەسە یێ بچیكە سێدارەنادەت نوزانم شەنسێ مەبوو و ئەم بچیك بووین و سزایێ مە سێدارەدان بوو بەلێ گۆتن ژیێ وانێ بچوویكە، و ئەم ڤەگوهاستینە نەخوشخانا پزیشكی داد و پشكنین بۆ هەستیكێن مەكرن، چەندین جاران ئەم برینە پشكنینێ و ئەڤە شەنس بوو ئەگەر ماكی دێ بێژیتێ وەنەكە و پشتی ئەڤێ هەم یێ و ئەڤە هەر ل كەركووكێ بوو و ئەڤە پتر ژ 40 سالانە ل سەر ڤێ روودانێ دەرباز بووین، نوكە یێ نەخوشم و رەنگە مێشكێ من ژی باش كارناكەت، و دناخێ خوە دایێ دل ئێشم، پشتی ئەم هاتینە پشكنینكرن ئەم بەرەف دادگەهێ ڤەبرین و پێنچ دادوەر دروینشتی بوون، وی دەمی عەواد بەندەر سەرۆكێ دادگەهێ بوو و بیرامن دهێت دانپیدانێن من خواندن، دوڤدا ئەوێ كورد بێژە كا تە چ هەیە و تنێ من گۆت ئەگەر ئەڤ تشتە هەمی من كربن چ ل من بكەن هوین دمافدارن، وەرگێری كرە زمانێ عەرەبی و خەلكی تشتێن غەریب ل سەر من گۆت بوون و دوڤدا گۆتن دێ دەستێ خوە ل قورئانێ دەی؟ من گۆتێ 100 جاران من ئەڤ تشتە نەكرینە و ئەزێ دوویرم ژ ئەڤان گۆتنان و ئەز دەرخستم، دوڤدا زڤراندنم و هەڤالێن مە دگۆتن ئەگەر سێدارەدان بیت قەلەمی شكێنت و من بەرێ خودایێ چ پێنوس نەشكاندن، پشتی دو سێ رۆژا ئەم گازیكرین و رۆژا دادگەهێ ئەنجامێن مە نە راگەهاندن، بەلكو پشتی چەند رۆژا ئەم گازیكرینە گورەپانا زیندانێ و ئەنجامێن مە خواندن و ئەنجام ژی بڤی رەنگی وبوون، و رەمی یە، سێدارەدان، هەتا هەتایێ و سزادانە و ئازادكرن، گەلەك یا كێمە، ئەم كومكرین و ناڤ خواندن و هەر كەسەكێ ناڤێ وی خوینن مادێ وی ژی ل گەل خوینن، و دوڤدا ئەنجامێ وی رادگەهینن و ناڤێ من خواندن و 120 دل من لێدا و گۆت 15 سال زیندان و من گۆت 15 خولەكن و كورخال من ژی 15 سال زیندانكرن، بیرا من ناهێت ئەنجامێن هەمی هەڤالێن من مێشكێ من شێلی بوویە پشتی ڤێ نەخوشیێ، دوڤدا ئەم سواری ترومبێلەكێ كرین و ڤەگوهاستینە ئەبو غورێب پشكا ئەحداس و ئەم داناینە بەر تاڤێ و هێلاینە وێرێ هەتا ئێڤارەكا درەنگ و مامەلێن مە دروستكرن، و دوڤدا ئەم برینە ژوورێن چاڤەرێكرنێ و ل وێرێ من گەلەك هەڤال دیتن و نیاسین و ژوانا واحد سیاری من دیت و ئەڤە نموونە هەڤال بوو و دڤیابا ئەڤ مرۆڤە ببیتە نموونە و قدوە ل ڤێ كوردستانێ و دەمێ من ئەو دئەوان كاودانان دا دیتی هەی هەوار و 100 هەوار نوكە پشتی چەندین نشتەگەریان ڕەوشا وی باشتر بوویە و لەشێ و هەمی برین بوو و حالەكێ وی یێ نەخوش بوو و مرۆڤی هزر نەدكر ئەڤ كەسە دێ جارەكا دی بیتە مرۆڤ ڤە و دێ زڤریتە دونیایێ دا ڤە و یێ مرنێ بوو، هندەكێن عەرەب هاتن و گۆتن ئەفە تەختێ مەیە و من گۆتێ ئەڤ كەسە یێ نەخوشە و یێ سوتی یە و مە ئاخفتن گۆتنە ئێك و دو مە شەرێ ئێك و دو كر، ب كورتی خزمەت و ماندیبوونا كەسەكێ پتر ژ 30 سالان خزمەت كرین، ب چچەند خولەك و دەمژمێرەكا ب دووماهی ناهێت.
هەمان زیندانیێ سیاسی ئەو ژی گۆت: دەمێ ئەم ل زیندانا ئەبو غورێب وی دەمی ئەم بچیك بووین و ئەم ڤەگوهاستینە پشكا سنێلا و ئەز و كاك واحد ژێك جوداكرین، چونكە ئەوێ بریندار بوو ژی، دێ دووبارەكەم ئاخفتنا خوە زەلام ب قوتانێ نائێشیت بتنێ وی دەمی تێشیت ئەگەر یێ بێ دەستهەلات بیت، وی دەمی ژیان دبیتە ژەهر بۆ زەلامی و یا زەلامی عیناتە.
