ئاكرێ دەست ب بەرهەڤییان کر و ئارمانج هەڤڕکییە
د داخۆیانیەکێ دا ئەندامێ یانەیا ئاکرێ دیار کر تیما وان یا فوتبۆلێ دەست ب ئێکەم یەکەیا خوە یا ڕاهێنانێ کر خوە بەرهەڤکرن بۆ وەرزێ نوو یێن هەردو خولێن پلا نایابا کوردستانێ و پلا دویێ یا ئیراقێ و ئارمانج هەڤڕکییە بۆ پلێتێن ڕێزێن ئێکێ.
زێدەتر سوھەیب عەلی بۆ رۆژناما ئەڤرۆ گۆت: لدووڤ پلانا مە بۆ وەرزێ نوو یێ خولێن نایابا کوردستانێ و پلە دویێ یا ئیراقی هەتا نوکە گرێبەست ل گەل 16 یاریزانێن نوو ئیمزا کرینە، هەروسا گرێبەستا 10 یاریزانێن پارسال ژی نوو کرینە زێدەباری سەرئێخستنا هەشت یاریزانێن ئاستێ لاوان بۆ ناڤا ڕێزێن تیمێ، ب ڤی چەندێ ژی ھژمارا وان بوویە 34 یاریزان.
ناڤبری گۆتژی: هەتا نوکە فدراسیۆنا فوتبۆلا کوردستانێ چو ژڤانەک بۆ دەستپێکا خولا نایابا کوردستانێ دەستنیشان نەکریە، لێ خولا پلە دویێ یا ئیراقێ بریارە د ناڤەراستا هەیڤا 11 بهێتە کرن.
لدووماهییێ سوهەیبی گۆت: ئەڤ سالە ب بڕیار و تەبایی ڤە دێ ڕکابەریێ ل سەر ھەردو خولا کەین بێ جوداهی، هەتا نها چ ئاستەنگ و نەخۆشییەک ل پێش یانەیێ نینن گەشبینن پشکدارییەکا سەرفەراز بکەین.