مانچستەر ستی و پاریس سانجێرمان د گوپیتكا یاریێن چامپیۆنزێ دا
بڕیارە ئەڤرۆ نەهـ یاریێن مایی ژ گەڕا ئێكێ یا قووناغا كۆما ژ هەڤڕكیێن قارەمانییا یانەیێن ئۆرۆپا قارەمانێن خولا چامپیۆنز لیگ بهێنە ئەنجامدان، یاریێن ئاگرین و تۆلڤەكرنێ هەنە و بڤی شێوەیی.
لاسك لێنز- لیڤەرپۆل
چاڤەڕێ دهێتە كرن ئەڤرۆ ل دەمژمێر 10ی شەڤ تیما یانەیا لیڤەرپۆل یا ئنگلتەرایێ ببیتە مێڤانا یانەیا لاسك لێنز یا نەمسایی د دیدارەكا دوبارەكری دا و هیڤیێن دوبارە سەركەفتنان، ژبەركو بتنێ دو دیدار بەرانبەری ئێك بووینە و هەردو ب سەركەفتنا یانەیا ئنگلتەرایێ ب3-1 و 4-چنە گۆلان ئیناینە.
فاینۆرد- كۆمۆ
یارییەكا بهێز د ناڤبەرا خودانێن ئەردی فاینۆرد یا هولەندی و یانەیا كۆمۆ یا ئیتالی دایە ئەوا دێ ل دەمژمێر 7:45 شەڤ هێتە كرن، كۆمۆ یا ددەمەكێ باش دا دەرباز د خولا ئیتالیایێ و چامپیۆنزێ دا دەرباز دكەت، ژلایێ خوەڤە ئەنجامێن فاینۆردێ ژ نە دخرابن، دبیت یارییەكا هەڤسەنگ هەبیت، ئەڤە دبیتە ئێكەم دیدارا دناڤبەرا هەردو یانەیان دا.
مانچستەر ستی- پاریس سانجێرمان
دیدارا هێزێن ئۆرۆپا هەموو پشتەڤانێن وەرزشی تایبەت یێن هەردو یانەیان چاڤەڕێ نە ئەوا دێ دناڤبەرا خودانێن ئەردی یانەیا مانچستەر ستی یا ئنگلتەرایێ و پاریس سانجێرمان یا فرەنسی، یانەیا مان ستی سەرەرایی ئاریشەیێن دادگەهێ و گەندەلییێ لێ سەرێ لیستا خولا ئنگلتەرایێ دهێت، د چامپیۆنزێ ژی دا سەركەفتن ئینابوو ل سەر پۆرتۆ، ئانكو ب زاخەكا بلند دێ هێنە دناڤ یاریگەهێ دا، د بەرانبەر دا یانەیا پاریس سانجێرمان هەلگرا ناسناڤێ وەرزێ بۆری ب مۆرالەكا بلند دێ هێتە دناڤ یاریگەهێ دا، هەرچەندە د خولا فرەنسا دا ڕێزا شەشێ دهێت ب جووداهییا چار خالا ژ خودانا سەرێ لیستێ لێ د ڕێزبەندیا چامپیۆنزێ دا ئێكەمە، دیدارێن پێشتر پێنج یاری بووینە چار سەركەفتن یێن مان ستی بوو و سەركەفتنەك یا پاریسێ بوو.
رۆما – ڕیال مەدرید
دیدارەكا دی یا بهێز دناڤبەرا هەردو یانەیان دا یانەیا رۆما یا ئیتالی ل یاریگەها خوە دێ مێڤاندارییا یانەیا ڕیال مەدرید یا ئسپانی هەلگرا 15 ناسناڤان، یانەیا ئیتالی د یارییا بۆری دا بەرانبەر فەنەربەخشە وەكهەڤبوو، ژلایێ خوە ڕیال سەركەفت بوو ل سەر ئینتەر میلانێ، یارییا ئەڤ شەڤە ئەوا دێ ل دەمژمێر 10ی شەڤ هێتە كرن دێ بیتە یا 13ێ دناڤبەرا واندا، پێشتر 12 یاری كربوون ڕیالێ هەشت سەرەفتن ئینابوون و ڕۆمایێ سێ سەركەفتن بەرانبەر وەكهەڤییەكێ.
ئەستۆن ڤێلا- فەنەر بەخشە
بڕیارە یانەیا ئەستۆن ڤێلا یا ئنگلتەرایێ ل یاریگەها خوە یانەیا فەنەر بەخشە یا توركی ل دمژمێر10ی شەڤ مێڤان كەت، ئەنجامێ ڤێ یاریێ دێ بیتە یا دیرۆكی دناڤبەرا وان دا ژبەركو ئێكەم یارییە دێ بەرانبەر ئێك كەن، دیارییا ئێكێ یا بۆری دا ئەستۆن ڤێلا سەركەفتن ئینابوو و فەتەر بەخشێ وەكهەڤی ئینابوو.
بۆدۆ كلیمێنت- بۆرۆسیا دۆرتمۆند
ئێك ژ یاریێن دی یێن ئەڤرۆ ل دەمژمێر 10ێ شەڤ یانەیا بۆدۆ كلیمێنت یا نەرۆیجی دێ مێڤاندارییا بۆرۆسیا دۆرتمۆند یا ئەلمانی كەت، خودانێن ئەردی ئەوا د یارییا بۆری دا بەرانبەر بایرنێ پێنج گۆل ل سەر هاتینە تۆماركرن دێ بزاڤێن قەرەبوویێ و ئاشكرنا جەماوەرێ خوە كەت، د بەرانبەر دا یانەیا ئەلمانی دێ بزاڤێن بەردەوامییا سەركەفتنان كەت، بتنێ ئێك جار پێشتر كەفتینە بەرانبەری ئێك و یاری ب وەكهەڤی ب دووماهی هاتبوو.
ڕیال پیتس- پۆرتۆ
دیدارەكا دی یا ئەڤرۆ ل دەمژمێر 10 شەڤ دناڤبەرا یانەیا ڕیال پیتس یا ئسپانی خودانێن ئەرد و جەماوەری و مێڤانا وێ پۆرتۆ یا پۆرتۆگالی، یانەیا ئسپانی ب زاخەكا بلند دێ هێتە دناڤ یاریگەهێ دا تایبەت پشتی سەركەفتنا ئێكێ یا چامپیۆنزێ و حەفتیا بۆری ژی سەركەفتنەكا مەزن د خولێ دا ئینایی، ژلایێ خوەڤە پۆرتۆ ئەوا د یارییا ئێكێ دا بەرانبەر مان ستی خوسارەت بووی دێ بزاڤێن ئینانا سێ خالان كەت.
شاختار دۆنیتسك- ئەیاك ئەسینا
پێنجەمین یاری یێن ئەڤرۆ ل دەمژمێر 10 شەڤ یانەیا شاختار دۆنیتسك یا ئۆكرانی ل یاریگەها خوە یانەیا ئەیاك ئەسینا یا یونانستانی مێڤان كەت، د یارییا بۆری دا شاختار وەكهەڤی ئینابوو لێ یانەیا یونانستانی شیابوو سێ خالێن گرنگ ل سەر لاسك دەستڤەئینابوو، دیدارێن پێشتر دو یاری بووینە سەركەفتنا شاختاركێ و وەكهەڤیەكێ.
سلۆفان براتیسلاڤا- شتۆتگارد
دیدارا دووماهیێ یا چامپیۆنزێ دناڤبەرا سلۆفان براتیسلافا یا سلۆڤاكی و مێڤانا وێ شتۆتگارد یا ئەلمانی، خودانێن ئەردی لبن گڤاشتنا جەماوەرێ خوە داخوازكرینە بۆ سەركەفتنێ پشتی دیارییا بۆری یا چامپیۆنزێ دا ب شەش گۆلان تووشی خوسارەتیێ بووی، ژلایێ خوەڤە شتۆتگاردێ هیڤیێن مەزن هەنە بۆ بەردەوامییا پێشەنگیێ ئەوا ل ڕێزا شەشێ دهێت و سەركەفتنەك هەی، هەردو یانە سێ دیداران بەرانبەر ئێك بووینە، دو سەركەفتنێن شتۆتگاردێ و وەكهەڤییەك هاتیە تۆماركرن.
