یادگار یونس: وەرگرتنا باوەرنامەیا ئاسیایی یا گرنگە بۆ پێشكەفتنا ئاستێ ڕاهێنەرێن پارێزگەهێ
د دیدارەكێ دا یادگار یونس ڕاهێنەرێ گەنج یێ ئەكادیمیا پیرس یا فوتبۆلێ ڤەكرنا خولا ئاستێ (B) دەلیڤەیەكا زێڕینە بۆ ڕاهێنەرێن پارێزگەهێ ژبۆ بلندكرنا پلەیا خوە یا باوەرنامەیا ئاسیایی دیسان دەلیڤە بۆ ڕاهێنەرێن پارێزگەهێ پەیدا دكەت د خولا ئیراقێ دا باشتر خوە ببینن.
ناڤهاتی ئەو چەندە ژی گۆت: پێنەڤێت ئەڤ خولە گەلەك یا گرنگە ژبلی كو دێ باوەرنامەیا بی وەرگرین لێ ئەو كەسێن وانەیان دبێژن نێڤدەولەتی نە ژ وانا د. نازم جەبار و سەعەد حافز كو شێوازی تیۆری و پراكتیكی دهێنە گۆتن، ئەڤ چەندە ژی ئەم پێدڤی ب پێشئێخستنا ئاستێ خوە نە تایبەت وەرگرتن دووماهی پێشهاتە و زانستێ ڕاهێنانێ و پتر دەلیڤە بۆ مە پەیدا بیت ئەم مفایی ب گەهینە یاریزانێن خوە تایبەت ژبەركو ئەم ڕاهێنەراتیێ ب یاریزانێن ژیێن بچووك یێن پشكۆژ، تازەپێگەهشتی و بەشچكەشێر دكەین، ئانكو بنیاتێ ئاڤاكرنا وەرزشا فوتبۆلێ.
ژلایێ یەكێ دووڤە یادگار یونس گۆت: ل پارێزگەها دهۆكێ هژمارا ڕاهێنەران خودان باوەرنامەیێن بلند یێن ئاسیایی گەلەك د كێمن، د بەرانبەر دا مە گەلەك یانە و یاریزانێن هەین، ئەڤ خولە دێ بیتە پێنگاڤەكا دی یا باش ژبۆ پتر پووتەدان ب ئاست و شیانێن ڕاهێنەرێن نافخوە و ئەڤە هیڤیێن مە نە كو ئەم ببینن یانەیێن مە ئەوێن پشكدار د خولێن كوردستانێ و ئیراقێ دا ڕێژەیا ڕاهێنەرا زێدەتر بیت ژ ڕاهێنەرێن بیانی، هەروەكو یانەیا پیرس ئەوا ب شێوەیەكێ ڕێكخستی پشتەڤانییا ڕاهێنەر و یاریزانێن كوڕێن باژێرێ خوە د كەت و دەرگەهەكێ هەرە سەرەكی یە بۆ پێشكەفتنا وەرزشا پارێزگەهێ.
بۆ زانین خولا ئاسیایی ل ژێر چاڤدێرییا د. ئەحمەد قاسم سەرۆكێ لژنەیا ئۆلمپی فدراسیۆنا فوتبۆلا ئیراقێ ب هەڤكاری ل گەل فدراسیۆنا فوتبۆلا پارێزگەهێ و ئیدارا سەربەخوە و چەند ژ هەولێرێ بۆ 24 ڕاهێنەرێن پارێزگەهێ یێن ئاستێ (B) یا ئاسیایی ڤەكرییە ئەوا ماوەیێ وێ 21 رۆژان بەردەوامبیت.
