هەموو خوەشیێن وی ل گەل سترانێ نە
هەرهین محەمەد:
سترانبێژ ڕێوی تەمو د دیدارەکێ دا دبێژیت: مۆزیک و ستران بۆ من نە بتنێ کارەکە، بەلكو هەناسەدان و شێوازێ ژیانا منە. ژ زارۆکینیێ وەرە خوەشیێن من هەموو ب رێیا ستران و مۆزیکێ هاتینە دەربڕین زێدەتر گۆت: ئیلهاما سەرەکی ژ ئەڤینا وەلاتی و مروڤایەتیێ بۆ مرۆڤی دهێت. ڕەوشا هەرە کاریگەر بۆ من دەمێ هەست ب ئێش یان سەربۆڕێن خەڵکێ خوە دکەم. هەروەسا سروشتێ و جوانا کوردستانێ و دەمێ هۆزانەک دگۆهێ من دا دەنگ ڤەددەت، ئێکسەر حەزدکەم بیتە ستران و بهێتە هەبوونێ.
تەموی ل دۆر نووترین بەرهەمێ خوە یێ هونەری گۆت: بەری هەیامەکێ مژوولی چێکرنا کلیپەکێ بووم بناڤێ( ل من و ڤی دلی) پەیڤ و ئاواز فلکلۆر میکس و ماسترینگ میلاد ئومەری و کیبورد و سلو سیداد قەدری و ساز میلاد ئومەری وکامیرە عەلی زەینو وئاڤان سەباح و ئەیاز زەینو و روناهی یوسڤ ئەحمەد و دەرهێنان عەکی ئومەری و بەری چەند روژان هاتە بەلاڤکرن.
هێشتا ژی گۆت: ب دیتنا من، فولکلۆر و ڕەسەناتی بناغە و کووراتیا مۆزیک و سترانا مەنە، بەلێ گەنجێ ئەڤرۆ پێدڤی ب نووکرنێ و دابەشکرنەکا نوویا ئامێران هەیە. ئەز بزاڤێ دکەم ڕۆحا ئاوازێن کەڤن و هەلبەستێن کوور بپارێزم، بەلێ ب تەکنیک و دابەشکرنەکا سەردەمیانە پێشکێش بکەم دا کو بۆ هەر نفشەکی ژی تەبا بت.
ل دووماهیێ ڕێوی گۆت ژی: ئاستەنگێن بووینە ئەگەر سترانبێژ کێم کلیپا چێکەن ئەوە نەبوونا کۆمپانیێن مەزنێن بەرهەمهێنانێ نە کو پپشتەڤانیا هونەرمەندی بکەن و پتریا جاران هونەرمەند بخۆ هەموو مەزاختی و بارێ دارایی یێ ئامادەکرنا ستران و کلیپان هەڵدگریت. هەروەسا، پاراستنا مافێ خاوەندارییا هونەری نینە، کو ئەڤە ژی کاریگەریێ ل سەر بەردەوامیا هونەرمەندی دکەت.
