بكڕێن هنگڤینی ئەڤ سالە كێمترن
سندس سالح سلێڤانەیی
هەنگەڤان (وەلات شەریف عیسا) كو ئێك ژ پشكدارێن فێستیڤالا هنار و هنگڤینی بوو، ئەوا ل حەفتیا بۆری ل زاخۆ هاتیە گێڕان، د دیدارەكێ دا دبێژیت: هەبوونا ڤان فێستیڤالان گرنگیا خۆ هەیە، لەورا پێدڤیە سالانە ل هەموو باژێران ئەڤ جۆرە فێستیڤالە بهێنە ڤەكرن، چنكو دەلیڤەیێن فرۆتنا بەرهەمێن خۆمالی زێدە دبن، سەبارەت هنگڤینی ژی ئەڤ سالە باشترە، چنكو ل دو سالێن بۆری گەلەك كێمتر بوو، لێ مخابن بكڕ وەكو پێدڤی نینن و هیڤیا من ئەوە ل سالێن بهێن باشتر بیت.
هەروەسا گۆت: پێدڤیە حكومەت پتر پشتەڤانیێ ل جۆتیاران بكەت و ئاسانكاریان بۆ بكەت دا ئەو ژی بشێت بەرهەمەكێ باشتر بینیت و هەر چاوا بیت گرنگە هەموو كەرەستە و دەرمانێن پێدڤی بۆ جۆتیار و هەنگەڤانان بهێنە دابینكرن.
