پتریا كەڤالێن وی ل دۆر سروشت و ژینگەهێ نە
بێوار حەمدی
شێوەكار (سەلاح حەسەن) كو ئەڤە پتری (15) سالانە دبۆارێ شێوەكاری دا كاردكەت، د دیدارەكێ دا دیاركر كو پتریا كەڤالێن ئەو چێدكەن ل دۆر سرووشتی و گیانەوەرانە و پشكداری د چێكرنا وێنەیێن ژینگەهێ و هشیارییا نەتەوەی ژی دا كریە و ئەزموونەكا درێژ ل گەل وان جۆرە چالاكیان هەیە.
سەلاح دبێژیت: ئارمانجا من ژڤی كاری خزمەتكرنا هونەرێ كوردی یە و هەتا نوكە من زێدەتری (40) كەڤالێن شێوەكاری هەنە، لێ هەتا نوكە دەلیڤە نەبوویە كو پێشانگەهەكا تایبەت ڤەكەم، بەلێ د بەرنامەیێ من دایە و ل دەمەكێ گونجای دێ ڤەكەم، بۆ زانین ئەز داخبارێ كارێن هونەرمەندێ ئیسپانی (پاپلۆ بیكاسوی) مە، ژبەكو كار ل سەروان هەموو بابەتان كرییە یێن كو دكەڤنە دناڤ دەریایا هونەری دا.
