فێستیڤالا سێیێ یا فلمێن كوردی ل ئەمریكا دێ هێتە گێڕان
زنار تۆڤی
گەڕا سێیێ یا فیستیڤالا سالانە یا فلمێن كوردی ل باژێرێ شیكاگۆ ل ویلایەتا ئیلینۆ یا ئەمریكی دێ هێتە گێڕان، كو ژ لایێ سەنتەرێ چاندی یێ كوردی ل ئیلینۆ ڤە هاتییە رێكخستن و تێدا 18 فلم دێ هێنە نیشادانو بۆ دەمێ دو ڕۆژان دێ یا بەردەوام بیت.
دەلال حەسەن، ئێكە ژ رێكخەرێن وێ فێستیڤالێ دبێژیت: ل رۆژا شەمبی (7)چریا دویێ ل وی باژێری دێ هێتە گێڕان (18) فلم دێ هێنە نیشادان كو ب هەردو شێوەزارێن سۆرانی و كرمانجی هاتینە بەرهەمئینان، د ناڤ فلمان دا بەرهەمێن وەكی (دۆسیەیا ژمارە ئێك، ئەز كیمە؟ شوێنپێی مێروولەكان ) و شەڤ و مژ ل كوردستانێ) و چەندین فلمێن دی ژی دێ هێنە نیشادان و ل ڕۆژا ئێكێ یا فیستیڤالێ پانێلەك دێ هێتە گێڕان كو تێدا دێ رۆناهییێ ئێختە سەر هونەر و ئەدەبیاتا هەڤچەرخ یا كوردی، هەروەسا ئەڤە سێیەمین سالە ئەڤ فیستیڤالە دهێتە گێڕان، ئەڤسالە مە هەموو ئەندامێن رەڤەندا كوردی ل شیكاگۆ و دەڤەرا ناڤین یا رۆژئاڤایێ ئەمریكا داخواز كرینە كو ئامادە ببن و پشتەڤانییا فلمسازێن كورد بكەن، هەروەسا بەرپرسێن وێ ویلایەتێ ژی مە داخواز كرینە.
دەربارەی پەیاما سەرەكی یا فیستیڤالێ گۆت: مە دڤیت نیشا بدەین كو سینەما كوردی دشێت تێگەهشتنەكا نوو بۆ دیرۆك و چاند و زمانێ كوردی ل جیهانێ دروست بكەت، ب تایبەتی د دەمەكی دا كو جیهان گەلەك جاران وێنەكێ شێلی دبینیت، هونەر دشێت وێ تێگەهشتنێ كێم بكەت و شێوازەكێ نوو یێ هزركرنێ و تێگەهشتنێ دروست بكەت.
