ئه‌مريكا ده‌ست ب وه‌رگرتنا په‌نابه‌رێن عيراقى كر
ئه‌ڤرۆ نيوز:
ژێده‌ره‌كى ژ وه‌زاره‌تا ده‌رڤه يا ئه‌مريكا ئاشكه‌را كر كو ل ده‌سپێكا هه‌يڤا بۆرى، ده‌ست ب وه‌رگرتنا په‌نابه‌رێن عيراقى كريه و ڤيزێن تايبه‌ت پێ داينه.
ژێده‌ره‌كى كو نه‌ڤيايه ناڤێ وى بهێته ئاشكه‌ر كرن بۆ ئاژانسا ئه‌نادۆل راگه‌هاند: ل هه‌يڤا خزيرانا 2014ێ پێدانا ڤيزا تايبه‌ت ب په‌نابه‌رێن عيراقى هاتبوو راوه‌ستاندن، پشتى ب دووماهى هاتنا وێ سه‌رپشككرنا كۆنگرێسێ ئه‌مريكا ب بالێوزخانا به‌غدا دايى، به‌لێ نوكه دووباره كار ب پێدانا ئه‌وان جۆرێن ڤيزێ دهێته كرن و واشنتۆن يا ئاماده‌يه ژماره‌كا زێده‌تر يا په‌نابه‌رێن عيراقى وه‌ربگريت.
ئه‌وى به‌رپرسێ ل وه‌زاره‌تا ده‌رڤه يا ئه‌مريكا ئاماژه ب وێ چه‌ندێ ژى كر كو ب گۆره‌يى كاركرنێ ب وان جۆرێن ڤيزا كو ل سالا 2007 كار پێ هاتيه كرن، هه‌تا نوكه داخوازيا زێده‌تر ژ 134 هزار عيراقيان په‌سه‌ند كريه و 49 هزار كه‌سان ژ وان پێشتر ل گه‌ل حوكمه‌تا ئه‌مريكا كار كريه.
گۆتژى: “پشتى پێدانا ده‌سته‌لاتێ ژ لايێ كۆنگرێسێ ئه‌مريكا ڤه و ده‌ركرنا قانوونه‌كێ بۆ ب ساناهيكرنێ بۆ په‌نابه‌رێن عيراقى، فه‌رمانبه‌ران ل 17ى نيسانا ئه‌ڤ ساله ده‌ستكريه ب رێڤه‌به‌رنا مامه‌لێن فه‌رمانبه‌رێن عيراقى.