جڤاتا وه‌زيرێن عيراقێ دێ به‌حس ل كێشا هه‌رێم و به‌غدا كه‌ت
ئه‌ڤرۆ نيوز:
سكرتێرێ جڤاتا وه‌زيرێن حوكمه‌تا هه‌رێما كوردستانێ راگه‌هاند، د كۆمبوونا داهاتى يا جڤاتا وه‌زيرێن عيراقێ، به‌حس ل كێشێن هه‌ولێر و به‌غدا دێ هێته كرن. ئاماژێ ب وێ چه‌ندێ ژى دكه‌ت هه‌كه بڕياره‌ك د به‌رژه‌وه‌نديا هه‌رێما كوردستانێ دا ده‌رنه‌كر، دێ شانده‌كێ هه‌رێمێ چيته به‌غدا.
د. ئامانج ره‌حيم، سكرتێرێ جڤاتا وه‌زيران ل هه‌رێما كوردستانێ بۆ تۆڕا ميديايى يا رووداو راگه‌هاند: بڕياره د كۆمبوونا داهاتى يا جڤاتا وه‌زيرێن عيراقێ دا، كو دێ رۆژا سێشه‌مبى رێكه‌فتى 19ى نيسانا 2015ێ هێته ئه‌نجام دان، هشيار زێبارى، وه‌زيرێ دارايى يێ عيراقێ ژى دێ به‌حس ل كێشێن ناڤبه‌را هه‌رێم و به‌غدا بكه‌ت و ببيته برگه‌كا كۆمبوونێ.
ل دووڤ گۆتنا مانج ره‌حيم، د سه‌ره‌دانا عادل عه‌بدولمه‌هدى دا، وه‌زيرێ په‌ترۆلا عيراقێ بۆ هه‌ولێرێ، نێچيرڤان بارزانى سه‌رۆكێ حوكمه‌تا هه‌رێما كوردستانێ به‌حس ل دلته‌نگيا هه‌ولێرێ كريه به‌رامبه‌ر به‌غدا و گۆت: “وه‌زيرێ په‌ترۆلێ ژى دان ب وێ چه‌ندێ كريه كو د هه‌يڤا نيسانێ دا، ل دووڤ ئاستێ پێدڤى په‌ترۆلا هه‌رێمێ هاتيه ره‌وانه‌كرن”.