ته‌قه ل كچه‌كا كورد يا پشكدار ل به‌رنامه‌كێ توركی یێ سترانان هاته كرن
ئه‌ڤرۆ نیوز: ڤه‌ده‌ر ره‌شاڤایی:
كچه‌كا كورد یا 19 سالی كو پشكدارا به‌رنامێ به‌هره‌دارێن سترانان یێ كه‌ناله‌كێ توركی یه ژ ئالیێ كه‌سه‌كێ نه‌نیاس ڤه هاته گوللـه‌باران كرن.
موتلو كایا خه‌لكا باژێرێ ئامه‌دێ ل باكورێ كوردستانێ ده‌مێ به‌رهه‌ڤی بۆ به‌رنامێ (Sesi Çok Güzel) یێ توركی كری لبه‌رده‌رێ مال ته‌قه ل سه‌رێ وێ دهێته‌كرن، و نها ل نه‌خۆشخانێ د ره‌وشه‌كا خراب دایه، ناڤهاتی د به‌رنامێ سترانان دا سه‌رنجا سترانبێژا توركی سیبه‌ل جانێ دادوه‌را به‌رنامه‌ی راكێشا و ژ ئالیێ وێ ڤه هاته هه‌لبژارتن بۆ ئاستێن پێشیێ یێن به‌رنامه‌ی.
به‌رییا وه‌خت ناڤهاتی گه‌فێن كوشتنێ وه‌رگرت بوون ژ ئه‌گه‌رێ پشكدارییا وێ د وی به‌رنامێ به‌هره‌دارێن توركیا. هه‌ر ئه‌ڤرۆ پۆلیسێن توركیا سێ كه‌س ب گۆمانا وێ یه‌كێ كو ده‌ست د ته‌قه‌كرنێ دا هه‌بیت ده‌سته‌سه‌ركرن.
تێ زانین پشتی پارتا ئاكه‌پێ ل توركیا هاتیه سه‌ر ده‌ستهه‌لاتێ لدووڤ سه‌رژمێریێن پشكا تاوانێن دژی ژنان ل توركیا، رێژا توندوتیژییا ل دژی ژنان ل وی وه‌لاتی بلند بوویه. وێنه:
