په‌رله‌مان دێ ئه‌ڤرۆ كۆم بيت و هێشتا پارتى بڕيارا پشكداريكرنێ نه‌دايه
ئه‌ڤرۆ نيوز:
بڕياره ئه‌ڤرۆ په‌رله‌مانێ كوردستانێ كۆمبوونه‌كا ئاسايى يا خوه ئه‌نجام بده‌ت و دانوستاندنێ ل سه‌ر چه‌ند پرۆژێن قانوونان بكه‌ت و ژ وان ژى خواندنا ئێكێ بۆ راستڤه‌كرنا قانوونا سه‌رۆكاتيا هه‌رێما كوردستانێ.
ب گۆره‌يى راگه‌هاندنه‌كا په‌رله‌مانێ كوردستانێ بڕياره ئه‌ڤرۆ رۆژا سێشەمبى رێكه‌فتى 23ى خزيرانا 2015ێ په‌رله‌مانێ كوردستانێ ل ده‌مژمێر 11:00 كۆم ببيت.
ل دۆر به‌رنامێ كارى ئاماژه ب وێ چه‌ندێ كريه كو دێ خواندنا ئێكێ بۆ چه‌ند پرۆژێن قانوونان هێته كرن و ژ وان ژى راستڤه‌كرنا قانوونا سه‌رۆكاتيا هه‌رێما كوردستانێ و پرۆژێ قانوونا راستڤه‌كرى يێ چارێ يێ قانوونا سه‌رۆكاتيا هه‌رێما كوردستانێ.
ديسا دێ دانوستاندنێ ل سه‌ر هه‌ردو پرۆژێن نه‌بڕينا مووچێ ئێكانه‌يان و ئێكانه‌يێن كيميا باران وئه‌نفال و جينوسايدكريان كه‌ت.
هه‌ر د وێ راگه‌هاندنێ دا ئاماژه ب وێ چه‌ندێ ژى كريه كو دێ دانوستاندنێ ل سه‌ر پرۆژێ قانوونا رێكخستن و چاندن و ڤه‌گوهاستنا ئه‌ندامێن له‌شێ مرۆڤى هێته كرن.