حه‌شه‌د شه‌عبى: پشتى بێجى گه‌را مووسله
ئه‌ڤرۆ نيوز:
فه‌رمانده‌كێ حه‌شه‌د شه‌عبى راگه‌هاند كو پشتى باژێرێ بێجى ب ته‌مامى هاتيه كۆنترۆلكرن، ژووره‌كا تايبه‌ت ب ئۆپه‌راسيۆنێن ئازادكرنا مووسل هاتيه پێكئينان و دێ ده‌ست ب ئازادكرنا وى باژێرى هێته كرن.
ئه‌حمه‌د ئه‌سه‌دى، ئاخفتنكه‌رێ ب ناڤێ حه‌شه‌د شه‌عبى راگه‌هاند كو پشتى هێزێن وان ب هه‌ڤكاريا هێزێن ئه‌منى يێن دى ل عيراقێ كۆنترۆلا باژێرێ بێجى يا سه‌ر ب پارێزگه‌ها سه‌لاحه‌دين ڤه ب ته‌مامى كرى نوكه ئه‌و مژوولى پاقژكنێ نه ژ مين و ته‌قه‌مه‌نيان.
زێده‌تر گۆت: “رۆژه‌كا تايبه‌ت ب ئازادكرنا مووسل هاتيه پێكئينان دا كو ب هه‌ماهه‌نگيا هێزێن سۆپا و پۆليسێن عيراقێ و چه‌كدارێن خۆبه‌خشێن نه‌ينه‌وا پلانان بۆ هێرشكرنا سه‌ر باژێرێ مووسل دابرێژن و د رێيا وێ ژوورێ دا كاروباران رێك بێخن”.