فرۆكێن به‌لجیكا جاره‌كا دى دێ مۆلگه‌یێن داعشێ بۆردومان كه‌ن
ئه‌ڤرۆ نیوز،زنار تۆڤى:
نوونه‌رێ حوكمه‌تا هه‌رێما كوردستانێ ل ئێكه‌تیا ئۆروپا بۆ ئه‌ڤرۆ نیوز راگه‌هاند: نه به‌شداریا فرۆكێن به‌لجیكا د شه‌رێ دژى داعش دا ده‌مكیه و به‌لجیكا ل شه‌رێ دژى داعشێ خو ڤه‌نه‌كێشایه،بۆ ڤێ مه‌ره‌مێ شاندێ نوونه‌راتیا حوكمه‌تا هه‌رێمێ سه‌ره‌دانا په‌رله‌مانێ به‌لجیكا كر و چاڤ ب(دیرك ڤان دێرمالن) سه‌رۆكێ لیژنا په‌یوه‌ندیێن ده‌رڤه یێن په‌رله‌مانێ فیدرالیێ به‌لجیكا كه‌فت و گوت ژى: د هه‌مان ده‌مدا مه داخواز ژ په‌رله‌مانێ به‌لجیكا كر كو فشاره‌كا زێده‌تر بێخنه سه‌ر حوكمه‌تا وه‌لاتێ خوه بۆ پشتگیریكرنا زێده‌تر یا سه‌ربازى و وه‌رگرتنا به‌شه‌كێ ژ پێشمه‌رگێن بریندار بۆ چاره‌سه‌ریێ ل به‌لجیكا.
دلاوه‌ر ئاژگه‌یى نوونه‌رێ حوكمه‌تا هه‌رێمێ ل ئێكه‌تیا ئۆروپا زێده‌تر خویاكر:(دیرك ڤان دێرمالن)سه‌رۆكێ لیژنا په‌یوه‌ندیێن ده‌رڤه ل په‌رله‌مانێ به‌لجیكا یێ فیدرالى ئه‌م پشتراست كرین كو وه‌لاتێ وى خوه ژ هه‌ڤپه‌یمانیا شه‌رێ دژى داعشێ ڤه‌نه‌كێشایه و دگه‌ل وه‌لاتێ هۆله‌ندا رێككه‌فتینه كو هه‌ر ئێكێ ژ وان وه‌لاتان فرۆكێن خوه ب هنێرن بۆ بنگه‌هێ ئه‌سمانى ل وه‌لاتێ ئۆردنێ بۆ به‌شداریكرنێ د شه‌رێ دژى داعش دا و پشگیریا هێزێن پێشمه‌رگه‌ى د ئه‌سمانى دا و ئه‌و دێ به‌رده‌وام بن ل ڤێ پشتگیریێ.
ناڤهاتى گوت ژى:مه په‌رله‌مانێ فیدرالیێ به‌لجیكا داخوازكریه بۆ هه‌رێما كوردستانێ ب مه‌ره‌ما بهێزكرنا په‌یوه‌ندیان دناڤبه‌را هه‌ردوو لایان دا.