داعش چه‌كه‌كێ ترسناك دژی پێشمه‌رگه‌ی بكار دئینیت
ئه‌ڤرۆ نیۆز، قائید میرۆ
شه‌ڤا بۆری چه‌كدارێن داعش ل میحوه‌رێ مه‌خموور سه‌نگه‌رێن پێشمه‌رگه‌ی تۆپبارانكرینه و مادده‌یه‌كێ ترسناك دناڤا تۆپێن داعشدابوویه.
ئه‌فسه‌ره‌كێ پێشمه‌رگه‌ی ل میحوه‌رێ مه‌خموور ب ئه‌ڤرۆ نیۆز راگه‌هاند” شه‌ڤا بۆری تیرۆرستێن داعش ل گوندێ تلڕیم، سه‌نگه‌رێن پێشمه‌رگه‌ی ب هویری بۆردومانكرینه و 45 تۆپێن دیر هاڤێژ ئاراسته‌ی خاله‌كا هێزا پێشمه‌رگه‌ی كرینه، كو 38 ژوان تۆپا په‌قینه و حه‌فت ژی نه‌په‌قینه، هنده‌ك ژ وان تۆپا دناڤا پێشمه‌رگه‌ی كه‌فتینه، به‌لێ چ زیانێن گیانی نه‌بووینه تنێ ترۆمبێله‌ك هاتیه تێكدان.
ئه‌وی ئه‌فسه‌ری كو نه‌ڤیا ناڤێ وی بهێته به‌لاڤكرن دیاركر” پشتی هاڤێتنا تۆپان پێشمه‌رگه‌ی هه‌ست ب بێهنه‌كا نه‌خوه‌شكریه و ئه‌ڤێن نه‌خۆشیا ته‌نگه نه‌فه‌سیێ هه‌ی پتر هه‌ست پێكریه و لگوره‌ی زانیاریێن مه داعش مادده‌یه‌كێ ترسناك دكه‌ته ناڤا گولێن تۆپا و مه‌ترسیه بۆسه‌ر ژیانا وان پێشمه‌رگه‌یێن نه‌خوه‌شیێن دوم درێژهه‌ی.
