ئه‌ڤرۆ نيوز ئامارا قوربانيێن شه‌رێ په‌كه‌كێ و حوكمه‌تا توركيا به‌لاڤ دكه‌ت
ئه‌ڤرۆ نيوز:
هێزێن پاراستنا گه‌ل “هه‌په‌گه” تايێ له‌شكرى يێ په‌كه‌كێ د راگه‌هاندنه‌كێ دا ئامارا شه‌رێن هه‌يڤا تيرمه‌هێ يا ل گه‌ل سۆپايێ توركيا ئاشكه‌را و تێدا راگه‌هاند: ژ ئه‌نجامێ شه‌ر و پێكدادانێن وێ هه‌يڤێ دا، 471 له‌شكر و پۆليس و تيمێن تايبه‌ت هاتينه كوشتن و نێزيكى 200 كه‌سان ژى بريندار بووينه”.
ئاماژه ب وێ چه‌ندێ ژى كر كو د وێ هه‌يڤێ دا، فرۆكێن له‌شكرێ توركيا 87 جاران باره‌گايێن گه‌ريلا بۆردۆمان كرينه و 15 ژ وان ل باكوورێ كوردستانێ و 72 ژى ل باشوورێ كوردستانێ ئه‌نجام داينه، د هه‌موو ڤان پێكدادان و هێرشان دا، 42 گه‌ريلا شه‌هيد بووينه و د به‌رامبه‌ر دا، 13 هه‌ليكۆپته‌ر و 180 ترۆمبێل و تانكێن له‌شكرێ توركيا هاتينه تێكشكاندن.
