بەنکا ناڤەندی دانا قەران راگەھاند
ئەڤرۆ:
بەنکا ناڤەندی یا عیراقێ راگەھاند:ب گوھورین ل پروسیسا بەرنامەیێ قەران ل عیراقێ دەست پێکر و یا ئێکێ تایبەتە ب ھاریکاریکرنا کەرتێ پیشەسازیێ و چاندنێ و ئاکنجیبوونێ،ئەو پارەیێ ھاتیە تەرخانکرن ٥ ترلیۆن دینارێن عیراقی نە و ل ھەر بەنکەکا پەیوەندیدار ب چاندنێ و پیشەسازی و خانوبەرە و سەندوقا ئاکنجیبونێ دھێتە دان.
قەرێ دووێ ب رێیا بەنکێن تایبەت دبیت و پارەیێ دیاری کری ترلیۆنەکا دینارێ عیراقی یە بۆ پشتەڤانیا ھەر پرۆژەیەکێ بچوک و ناڤنچی یە،ئارمانج ژێ خورتکرنا ئابوورێ عیراقێ و رەخساندنا دەلیڤەیا زێدەکرنا داھاتێ وەلاتی و پالدانا کەرتێ تایبەت و بزاڤەک بۆ کێمکرنا رێژەیا بێکاریێ.
ھەر دوێ پێخەمەتێ دا،بەنکا ناڤەندی داخازێ ژ ھەموو وەلاتیان و خودان پرۆژەیێن بچوک و ناڤنچی و بەھرەداران دکەت،سەرەدانا لەقێن بەنکان بکەن تاکو ژ وی بەرنامەیێ قەران مفا بەخش بن و دەست ب مامەلەیێن خو یێن ئیداری و دارایی بکەن.
