ئۆپه‌راسيۆنا پێشمه‌رگه‌يى ب دووماهى هات و ئه‌ڤ ده‌سكه‌فتن و زيانه هه‌بوون
ئه‌ڤرۆ نيوز:
سپێده‌هيا ئه‌ڤرۆ رۆژا ئه‌ينى رێكه‌فتى 11ى ئيلۆنا 2015ێ، هێزێن پێشمه‌رگه‌يى هێرشه‌كا به‌فره‌هـ بۆ كۆنترۆلكرنا 13 گۆندێن باشوورێ كه‌ركووك ده‌سپێكر و ب سه‌ركه‌فتيانه ب دووماهى هات و ئه‌و گۆند ئازاد كرن و محه‌مه‌د حاجى مه‌حمود و هنده‌ك پێشمه‌رگه د بريندارن و شه‌هيد ژى يێن هه‌ين.
ئۆپه‌راسيۆن ژ سێ لايان ڤه ب پشته‌ڤانيا فرۆكێن شه‌ركه‌رێن هه‌ڤپه‌يمانان ب رێڤه چوو، تێدا 13 گۆند ل سنورێ قه‌زا داقووق ل باشوورێ كه‌ركوووك هاتنه كونترۆلكرن.
ده‌رباره‌يى زيانێن پێشمه‌رگه‌يى د هێرشێ دا، موقه‌دم ياسين عه‌بدولا، فه‌رماندێ هه‌والگه‌ريێ ل ليوا 9 يا پياده، بۆ رووداو گۆت: “ژ ئه‌گه‌رێ ته‌قينه‌كا بۆمبه‌كا چاندى، ب گوله‌يا قه‌ناسێ، سێ كه‌س شه‌هيد بووينه و 13 يێن دژى بريندار بووين”.
موقه‌دم ياسين گۆتژى: “دو نه‌خۆشخانه يێن گه‌رۆك و برينه به‌ريێن شه‌رى بۆ چاره‌سه‌ركرنا برينداران، ئێكسه‌ر ژى ژ لايێ نوشدارێن ئه‌مريكى ڤه دهێنه سه‌رپه‌رشتيكرن”.
محه‌مه‌د حاجى مه‌حمود سكرتێرێ حزبا سوسیالستا دیموكراتا كوردستان و فه‌رماندێ پێشمه‌رگه‌ى د هێرشا ئه‌ڤرۆ ل گه‌ل حه‌فت پێشمه‌رگان ل گوندێ ئه‌لبو محه‌مه‌د ژ ئه‌نجامێ بۆمبه‌كا چاندى بریندار بووینه.
