به‌رهه‌مێ نه‌فتا گالف كیستۆن ل شێخان 15 ملیۆن به‌رمیل بۆراندن
ئه‌ڤرۆ نیوز: ڤه‌ده‌ر ره‌شاڤایی:
كۆمپانیا نه‌فتێ گالف كیستۆن ئاشكرا كر كو سه‌رجه‌مێ به‌رهه‌مێ وێ یێ نه‌فتێ ل كێلگه‌هێن شێخان ژ 15 ملیۆن به‌رمیلان بۆری.
به‌رهه‌مێ رۆژانه نها 40 هزار به‌رمیلێن نه‌فتا خاڤن، و نها داهاتێ كاش یێ كۆمپانیێ 73 ملیۆن دۆلارن، د پلانا گالف كیستۆن دایه شیانێن كێلگه‌هێن شێخان بگه‌هینیته 100 هزار به‌رمیلێن نه‌فتێ رۆژانه.
گالف كیستۆن لدووڤ داخازا حكومه‌تا هه‌رێما كوردستانێ ب درێژییا 120 كیلۆمه‌تران نه‌فتێ ب لۆریان دبه‌ته پیشخابۆرێ ب مه‌ره‌ما وێ یه‌كێ بۆ بۆرییا به‌نده‌رێ جه‌یهانێ توركی بهێته تێكرن و هه‌نارده‌كرن.
