ل ڤێ ده‌ڤه‌رێ داعش ب نيازه هێرشێ بكه‌ته سه‌ر پێشمه‌رگه‌يى
ئەڤرو نیوز، بارزان مزووری:
ئه‌فسه‌ره‌كى ژ هێزێن پێشمه‌رگه‌يى بۆ ئه‌ڤرۆ نيوز ئاشكه‌را كر كو ئه‌ڤه حه‌فتيه‌كه چه‌كدارێن داعش ب ره‌نگه‌كێ به‌رده‌وام يێ هێرشێ دكه‌نه سه‌ر هێزێن پێشمه‌رگه‌يى ل ناوه‌ران و ئه‌و ده‌ڤه‌ر بۆ خوه كريه ئارمانج، به‌لێ ژ لايێ هێزێن پێشمه‌رگه‌يى و هێزێن هه‌ڤپه‌يمانان ڤه دهێنه ژ ناڤبرن.
ئه‌ڤى ئه‌فسه‌رێ ئه‌ڤرۆ نيوز پاراستن ل سه‌ر به‌لاڤكرنا ناڤێ وى كرى، زێده‌تر گۆت: “د ڤێ حه‌فتيێ دا، زێده‌ترى 20 چه‌كدارێن داعش هاتينه كوشتن و هنده‌ك جاران د شه‌ڤێ دا، دو جاران هێرشێ دكه‌نه سه‌ر هێزێن پێشمه‌رگه‌يى”.
دا زانين ژى كو پێشمه‌رگه گه‌له‌ك شاره‌زاى وان بوويه و نوكه دشيانێن وان دايه هه‌موو هێرشێن چه‌كدارێن داعش ژ ناڤ برينه.
