پارێزگه‌رێ دهۆكێ خوارنا فراڤینێ دده‌ته 957 حه‌جیيان
ئه‌ڤرۆنیۆز ، سالار دۆسكى:
ل دووڤ راسپاردێن فه‌رهاد ئه‌مین ئه‌ترووشى پارێزگه‌رێ دهۆكێ، ب سه‌رپه‌رشتى و نوونه‌راتیا د.سه‌میان عه‌بدولخالق سه‌عدى رێڤه‌به‌رێ گشتیێ ئه‌وقاف و كارۆبارێن ئاینى ل پارێزگه‌ها دهۆكێ، خوارنه‌كا شیڤێ بۆ سه‌رجه‌م حه‌جیێن پارێزگه‌ها دهۆكێ هاته به‌رهه‌ڤكرن.
مالك ره‌مه‌زان رێڤه‌به‌رێ په‌یوه‌ندى و راگه‌هاندنێ ل رێڤه‌به‌ریا گشتى یا ئه‌وقاف و كارۆبارێن ل پارێزگه‌ها دهۆكێ، ل باژێرێ مه‌ككه‌ها پیرۆز بۆ ئه‌ڤرۆ نیۆز گۆت: ل سه‌ر راسپاردێن فه‌رهاد ئه‌مین ئه‌ترووشى پارێزگه‌رێ دهۆكێ خوارنا فرافینێ بۆ 957 حه‌جیێن پارێزگه‌ها دهۆكێ هاته به‌رهه‌ڤكرن و ئه‌ڤ كاره ل وه‌لاتێ سعودیێ هاته ئه‌نجامدان ب سه‌رپه‌رشتیا د.سه‌میان عه‌بدولخالق رێڤه‌به‌رێ گشتیێ ئه‌وقاف و كارۆبارێن ئاینى ل پارێزگه‌ها دهۆكێ و ئه‌ڤه وه‌ك رێزگرتن بۆ حه‌جیێن پارێزگه‌هێ و بڤى كارى هه‌موو حه‌جیێن پارێزگه‌هێ دلخوه‌ش بوون و دوعایێن خێر و خوه‌شیێ و سه‌ركه‌فتنێ بۆ ملله‌تێ كورد خواستن.
