وه‌زیرى ساخله‌میێ ل دهۆكێ: كونترول ل سه‌ر نه‌خوشیا كۆلێرایێ هاتیه كرن
ئه‌ڤرۆ نیوز، له‌زگین جۆقى:
وه‌زیرى ساخله‌میێ ل هه‌رێما كوردستانێ د. ریكَه‌وت حه‌مه ره‌شید دگه‌ل شانده‌كێ وه‌زاره‌تا ساخله‌میى ئه‌ڤرۆ سه‌ره‌دانا پارێزگه‌ها دهۆكێ كرن وپشتى دگه‌ل به‌رپرسێن ساخله‌میێ كومبوین سه‌را پارێزگه‌ها دهۆكێ كرن و ژلایێ فه‌رهاد ئه‌مین پارێزگارى دهۆكێ هاتنه پێشوازیكرن و دپرێس كونفرانسه‌كێ دا راگه‌هاند: چوو حاله‌تێن مه‌ترسیدار یێن نه‌حوشیا كۆلێرایى ل دهۆكێ نینن و خه‌لكێ دهۆكێ پشت راست دكه‌ین، كو كونترول لسه‌ر نه‌خوشیێ هاتیه كرن، و چو مه‌ترسى نینه ، چونكه ئه‌گه‌ر نه‌خۆشیا كۆلێرێ په‌یداببیت رۆژانه دێ ژمارا نه‌خۆشان زێده‌بیت لێ نه‌خۆشی ل دهۆكێ زێده‌نه‌بوویه وچوو حاله‌تێن زكچوونا زێده‌نه‌بووینه وچوو حاله‌تێن گیان ژ ده‌ستدانێ ژێ ژبه‌ر كۆلێرێ په‌یدانه‌بووینه.
