ئه‌مریكا لگه‌ل فره‌نسا دێ هێرشێن ئاسمانی ل ئیراق و سوریا توندكه‌ن
ئه‌ڤرۆ نیوز: ڤه‌ده‌ر ره‌شاڤايی:
بێن رۆدز جێگرێ شیره‌تكارێ ئاساییشا نه‌ته‌وه‌ییا ئه‌مریكا دیاركر كو پشتی هێرشێن پاریس، ئه‌مریكا لبه‌ره كار لگه‌ل فره‌نسا بكه‌ت بمه‌ره‌ما وێ یه‌كێ هێرشێن ئاسمانی ل ئیراق و سوریا بۆ سه‌ر داعش توندكه‌ن.
رۆدز كو نها ل توركیایه بۆ گۆپیتكا گرۆپێ 20 خویاكر ژی: راسته‌راست پرچه‌ككرنا هێزێن دژی داعش یێن لسه‌ر ئه‌ردی ل ئیراق و سوریا شه‌ری دكه‌ن مفایێ خوه نیشان دا و وه‌سا دیاره ئه‌ڤ یه‌ك باش كار دكه‌ت.
ناڤهاتی پشتراستكر كو داعش تاماهییا هێرشێن تیرۆری ل هه‌می وه‌لاتێن هه‌ڤپه‌یمانیا دژی داعش هه‌نه لێ ناهێته پێشبینیكرن نها چ گه‌فێن مه‌ترسیدارێن لسه‌ر ئه‌مریكا هه‌بن.